spot_img

Ym donkam ‘Work Permit’ ha Meghalaya | Ym don hok ban iatalasi kot ki nongbylla bar jylla, ong u CM

Date:

Share post:

Shillong, Naitung 10 : U Myntri Rangbah ka Jylla Conrad K Sangma ha ka sngi Balang ula pyntip ba ki Pulit kila register haduh saw tylli ki case ba iadei bad ka jingtalasi ia ki kot ki sla jong ki nongbylla bar jylla bad jingshah shoh ha ki kynhun Sengbhalang.

Haba iakren bad ki lad pathai khubor hadien ka jingialang Kynhun Myntri, u Conrad haba nyngkong ula pynshai ba ‘Ym donkam work permit” ha ka Jylla na ka bynta ki nongbylla bar jylla hynrei ka long pat kaba donkam ban pynrung kyrteng ia kine ki nongbylla ha ka Tnad Labour.

Ki Contractor kiba aikam ia kine ki nongbylla ki hap shim ia ka jingkitkhlieh ban pynrung kyrteng iala ki nongtrei. Ki don ruh ki kyndon bad ain kuna ia ki contractor lada kim leh ia kane ka bynta.

Ha kajuh ka por, ula ban jur ba “Ym don mano mano ruh ba la iohbor ban talasi ia ki kot ki sla ki nongbylla bar jylla”. Ula bynrap ba lada don kino kino ki briew ne ki Sengbhalang ba leh ia kata, ki dei kiba don sha ka liang kaba bakla jong ka ain bad ki Pulit kin sa leh eiei pyrshah ia ki.

“Ngi la register haduh 4 tylli ki ejahar pyrshah ia ki Seng bapher bapher kiba la leh ia kane (talasi ia ki kot ki sla bad shoh ia ki nongbylla bar jylla) ha kine ki khyndiat sngi bala leit noh” pyntip u Myntri Rangbah.

U Myntri Rangbah ula ong ba kane ka kyndon ba hap ban pynrung kyrteng ia ki nongbylla bar jylla ka long eh ha kaban pynthikna ia ka “jingshngain” bad ruh ban “buh jingkhein” ia ka jingdon ki nongbylla hapoh ka Jylla.

Halor ka jingpyntreikam ia ka Inner Line Permit (ILP) ha Jylla, u Conrad ula ong, ka Iingdorbar Thaw Ain ka Jylla kala dep ban mynjur ia kane bad mynta ka dang ap ia ka jingmynjur jong ka Sorkar Pdeng. Ula pyntip ba ka Sorkar kala leit buddien manla ka por bad ka Sorkar Pdeng.

Halor ka Meghalaya Residents Safety and Security Act (MRSSA), ula ong ba u Lat ka Jylla ula phah ia kane ka Bill sha ka Ministry of Home Affairs (MHA), kaba la pynphai pat ia ka ha ryngkat ki jingai jingmut ia ki katto katne ki jingpynkylla.

U Conrad ula ong ba ki kam kila iaid ha ka ban pynkylla ia ka, ban pynbiang tarajur bad ka jingpynsngew jong ka MHA bad ruh ban buh hakhmat ia ka jingmyntoi bad ka bha ka miat jong ka Sorkar Jylla.

Share post:

spot_img
spot_img

Popular

More like this
Related

Kyrpad ka KJDSTA ia ka Sorkar ban pyllait ia ki Nonghikai skul Deficit na ka MEG

Shillong, Jylliew 06 : Ka Khasi Jaintia Deficit School...

Jingshah pyniap u nong Indore | Dang bteng ka jingwad ia ka kurim | Pat lapdien satia ki Pulit

Shillong, Jylliew 06 : Wat hapdeng ki jingpyrshang jong...

Jingshlei um bad twa khyndew ha Northeast | Kiew ka jingiap briew sha ka 52 ngut

Guwahati, Jylliew 6: Ka thain Shatei Lam Mihngi jong...

Phah tuklar ki bahaiing Raja Raghuwanshi ha u PM ban tohkit CBI | Pat lapdien ia ka Sonam

Shillong, Jylliew 06 : Ki bahaiing u Raja Raghuvanshi,...