Kolkata, Jylliew 17: San ngut ki brew kila iap naka jingiatakhuh hapdeng ka rel kit mar bad ka Kanchanjungha Express hynne ka step ha Siliguri, West Bengal.
Kat kum ki khubor ba dang ioh lum, lai tylli ki coach jong ka Kanchanjungha kila julor klai bha bad lam sha ka jingiap jong ki passenger ka Kanchanjungha.
La iathuh ba ka rel kit mar kaba la iaid sted bha, kala leit ban tynrah ia ka Kanchanjungha Express hajan ka Rangapani Station hadien ba kane ka rel kala dep tam ia ka Siliguri bad don ha lynti na NJP sha Sealdah.
View this post on Instagram
Ka jingiatakhuh kala jam bha haduh ba lai tylli ki coach ba shadien kila julor klaibha. Ia kane ka jingjia la pynthikna ruh da ki bor khmih ka Tnad Railway haba pynthikna ba ka jingjia kala jia hapdeng ka Rangapani bad ka Nijbari Station.
Ka Myntri Rangbah ka West Bengal Mamata Banerjee kala pynpaw ia ka jingkyndit halor kane ka jingjia ha ka thain Phansidewa kaba hap hapoh ka Darjeeling District.
Ka pyntip ba ka Kanchanjungha Express kala shah rat ha ka rel kit mar bad ki kynhun Sorkar ba kynthup ia ki Magistrate, Superintendent of Police, ki doktor, ki ambulance, ki disaster response team kila leit sha katei ka jaka ban ai jingiarap.
