Tura, Naitung 28 : U Deputy Commissioner ka West Garo Hills, ula weng noh ia ka korphiw miet ha Tura kaba la treikam la saw sngi kaba la wan jia ruh hadien shisngi bala weng ia ka kyndon 144 CrPC bala pynjari ha kane ka nongbah jong ka District.
“Ngi la weng noh ia ka korphiw miet naduh ka sngi Thohdieng namar ka jingsuk kala wanphai pat bad ba ym shym la don shuh kano kano ka jingjia” ong u Jagdish Chelani, Deputy Commissioner ka West Garo Hills.
Iaka korphiw miet la pynjari naduh ka 24 tarik mynmiet hadien ka jingmih ka jingkulmar hapoh ka Chief Minister Office (CMO).
Ki bor District kila pynjari ia ka korphiw ban tehlakam ia ka jingsaphriang ka jingkulmar sha ki jaka ba marjan.
Pule ruh: Kem pang u Nongialam ka TMC ha along Pulit, la pynkynriah sha Tura Hospital
