spot_img

Weng noh ki pulit ia ka jingkhang ban iaid kali na Jingkieng Umshyrpi

Date:

Share post:

Shillong, Jylliew 18: Ki Pulit ka East Khasi Hills, kila pyntip ba la weng noh ia ka jingpynjari ba khang iaid kali ha ka por mynmiet na Jingkieng Umshyrpi.

U Superintendent of Police (Traffic) ka District K Pradesh u pyntip ba ki kali kila lah ban iaid mynta na kane ka Jingkieng kynthup ia kiba wan sha Shillong bad kumjuh ruh kiba kiew sha Upper Shillong.

Lah ban kdew, ki Pulit kila khang iaid kali na kane ka jingkieng naduh ka por 10 baje mynmiet haduh 5 baje mynstep bad la leh ia kane namar ka jingpyntrei ia ka jingkieng ba thymmai ha wah Umshyrpi ha Rilbong.

Ka jingpyntrei ia ka jingkieng, kaba la wanrah ia ka jingpynkylla ia ka lynti iaid ki kali ha ki khyndiat sngi bala dep, kala jan dep mynta. Kat kum ka jingiathuh ki bor khmih ia ka project, satang ki kam welding barit baria ki dang bteng hynrei kam donkam shuh ban pyrrkhing ia ka jingiaid ki kali.

Ha kine ki khyndiat miet, ki kali kiba wan noh na ki thain Upper Shillong bad kumjuh ruh kiba kiew na Shillong sha Upper Shillong, ki hap ban iaid lyngba ka surok kaba pyniasoh ia ka Pomlakrai, Laitkor, Madanrting bad Laitumkhrah.

Share post:

spot_img
spot_img

Popular

More like this
Related

Dang “Knia briew” bad “Bam doh briew” ki riewlum ha Meghalaya, pynthohbria u Sadhu

Shillong, Naitung 11 : Ka kyrteng jong ka Meghalaya...

Iakynduh ki Heh BJP ia ka NEIAH | Dawa ban thung briew noh haki kam ba lait

Shillong, Naitung 11: Ki Nongialam ka Bharatiya Janata Party...

Mizoram | Shah kem u Coach Boxing ba jrong kti khlem akor ia 4 ngut ki kynthei ha Aizawl

Aizawl, Naitung 11: U Lathlengliana uba dei u Coach...

Assam | Kem ki Pulit ia 4 ngut ki doktor jakoid na kylleng ka Jylla

Guwahati, Naitung 11: Kum shi bynta ban pynduh jait...