Shillong, Iaiong 11 : U Symbud Myntri Rangbah ba khmih iaka tnad kam Pohiing (Police) Bah Prestone Tynsong ula kyntu ia ki kynhun Sengbhalang ba kin kiar ha kaban shim ia ka ain hala ka jong ka kti.
Haba kynthoh ia ka jingleit iakhih ba dang shen jong ka seng HYC ha NEIGRIHMS ban pyrshah ia ka rukom pyniaid ia ka jingthungkam thungjam, u Bah Prestone ula ong “Ka jingsngew jong nga ka long kumne ba la phi dei ki kynhun Sengbha lang ne mano mano ruh, ngan kyntu bad kyrpad ba lada ngi dei mano manor uh ngi dei ban iaid kat kum ki lynti jong ka ain. Ngim lah ban shim ia ka ain hala ka jong ka kti. Kumta, kaei kaei ruh, ka dei ban long kat kum ka ain”.
“Kumta, nga kwah ban kyrpad ba ynnai iashim ia ka ain hala ka jong ka kti” ula iai ban.
