Shillong, Jylliew 01: Ka North-Eastern Hill University Non-Teaching Staff Association (NEHUNSA) kala dawa na ka Ministry of Education ba kan pynsted noh mardor ha kaban thung ia u Vice Chancellor ba thymmai, da kaba ong ba ka jingpynbna paitbah ne ‘Advertisement’ na ka bynta katei ka kyrdan kadei kaba kila iai ap bad kala dei ruh ban mih naduh mynno haba kala don ka kynrum kynram hapoh jong ka skulbah.
Ha ka shithi kaba la phah sha u Secretary, MoE hynne ka Sngi Nyngkong, ka NEHUNSA kala ong “Ka iaroh bad pdiang ia jingpynmih ia ka jingpynbna kaba long kaba kila iai ap bha na ka bynta ka kyrdan Vice Chancellor ka NEHU,” bad ka pynpaw ba “Ka jingkhmih lynti ia katei ka Advertisement kadei kaba kila lah dep don lypa lah slem bha namar ka jingbym lah ban treikam u Prof PS Shukla.”
Ka Association kala kynnoh ia u Prof Shukla ba ula “Jied sngewbha dalade ban ieh ia ka Headquarter jong ka skulbah ha Shillong,” katba ula “Pyrshang ban leh katba lah ban tuklar na sha jngai ia ki kam pule puthi bad ia ka rukom pyniaid ia ki kam ki jam jong ka skulbah”.
“Kum ka kynhun kaba la rangbah ha ka pyrkhat pyrdain, ka NEHUNSA kala pynpaw ia ka jingdon ia ka jingngeit kaba skhem ha ka Ministry of Education, ba naduh kane ka por shakhmat, yn sa thung ia u Vice Chancellor uban long uba la bit lah biang ha ka kyrdan baroh ha kaba iadei bad ka pule puthi bad ka jinglah ban pyniaid ia ki kam jong ka skulbah bad ba kan long ruh ha ka lynti kaba khuid ba suba” la ong ha ka shithi.
Ka NEHUNSA kala banjur ia ka jingdonkam ban pyndep ha ka por kaba la buh.
“Ka Association ka khmih lynti ban pyndep ia kane ka jingthungkam mardor kata hashwa jong u Nailar 2026 ban kiar ia kano kano ka jingthylli ka kam jong u nongialam” kala ong.
“Kan long kaba sngewtynnad ba lada burom ia ki ain bad ia ki kyndon ain jong ka skulbah ba ha ka jingkut ka samoi treikam jong u Prof PS Shukla kum u Vice Chancellor, kumta u Professor uba la rangbah tam ha ka kam udei ban shimti kum u Acting Vice Chancellor ka NEHU,” la ong ha ka shithi.
Kla maham pyrshah ia kano kano ka jingthmu ban pynjlan ia ka samoi treikam ka jongu.
“Kano kano ka jingpyrshang ban pynjlan ia ka samoi treikam ka jongu Prof PS Shukla kan pyni ba kan long kaei kaei kaban ktah jur ia ka jinglong jingman baroh kawei jong ka Skulbah NEHU” la ong ka NEHUNSA.
 kala dawa na ka Ministry of Education ba kan pynsted noh mardor ha kaban thung ia u Vice Chancellor ba thymmai, da kaba ong ba ka jingpynbna paitbah ne ‘Advertisement’ na ka bynta katei ka kyrdan kadei kaba kila iai ap bad kala dei ruh ban mih naduh mynno haba kala don ka kynrum kynram hapoh jong ka skulbah.){kind=link}