Wat hadien ka jingiakren ki 2 CM :Bteng ka jingiakynad ha ki bynta khappud ka Assam bad Arunachal

Date:

Share post:

Lakhimpur, Naitung 22 :Wat hadien ka jingiakren hapdeng ki Myntri Rangbah (CM) bad ka jingiasoi ia ka jingiateh soskular ‘Namsai Declaration’ ka ban sah kynmaw ha ka 15 tarik mynta u bnai da ka jingthmu ban pynkut noh ia ki kam ia kajia pud hapdeng ka Assam bad ka Arunachal Pradesh, hynrei ka jingiakynad ka dang iai bteng ha ki bynta khappud jong kine ki ar jylla hapoh Lakhimpur district.

Ha kane ka jingiakynad ka ba dang shen, ka la don ka jingjia iather kuli sa shisien pat ha ki bynta jong ka Ranga Reserve Forest ka ba hapoh ka district ha kane ka sngi Balang ba la lah.

Katkum ki khubor la iathuh ba ka kynhun runar ka ba don kumba 20 ngut ki briew napoh Arunachal Pradesh ha kane ka sngi Balang ba la lah ki la leit pynjulor ia ki mar rep ki ba don ha No. 2 Bilgarh. Na ka liang u ophisar ka Rampur Bead u Banamali Narah lem bad ki laingut ki forest guard ki la wan poi mardor ha kane ka jaka.

Hadien kane na ka liang une u ophisar u la kyntu ia kitei ki runar ba kin sangeh ban pynjulor ia ki mar rep. Hynrei ha ka ba kum kane ka por katto katne na kine ki runar ki la ther kuli ia une u heh pulit khnang ban pynmih ia ka huri hura da ka ba shim kabu namar ka jingdon jong ki dieng bah jong ka Reserve Forest. Na ka liang kine ki forest guard ruh ki la pynphai markylliang da ka ba ther kuli sha suin ban pyntieng ia kine ki runar.

Hynrei, watla katta ka long ka ba donbok namar ym shym la don ka jingiaiap briew ha kane ka jingjia. Hadien kane ka kynhun pulit ka Assam ki la mih noh na kane ka jaka da ka ba pynbthei da ki bom pataka ia ki ba ju pyndonkam ban pyntieng ia ki hati khlaw, kane kalong katkum ka jingiathuh da u heh ka tnat Forest u Harmoti Gunajit Talukdar.

Kham hadien,ha ba la ioh jingtip halor kane ka jingjia, naka liang u Divisional Forest Officer (DFO) ka Lakhimpur, u Ashok Kumar Dev Choudhury, u Forest Range Officer u Gunajit Talukdar lem bad u Border DSP ka Lakhimpur district nalor ki bor pahara kila wan poi ha katei ka jaka ban bishar bniah halor ka jinglong jingman.

Ha ka ba kum kane ka por kitei ki riew runar ha Arunachal Pradesh ki la dep ban phet krad.Ha ka ba iadei bad kane ka jingjia, na ka liang u DFO u Ashok Kumar Dev Choudhury u la pynpaw lyngba ka lad pathai khubor da ka ba ong ba kine ki runar ki la leit pynjulor ia ki mar rep ha kata ka rukom ba lah ban shna surok ha kane ka jaka.

“Ka jinglong jingman ka la iaid beit iaid ryntih.Ym shym la ioh jingtip ba kan dang don ka jingpynjulor ia ki mar rep ha ki sngi ki ba bud.Ngi la dep lypa ban phah ia ka kaiphot sha ki bor pyniaid district halor kane ka bynta,” ong shuh shuh u DFO.

Lah ban kdew ba kane ka jingshim kabu namar ka jingbym shim khia na ka liang ka sorkar jylla bad ki bor pyniaid ka Lakhimpur district na ka bynta ban ia pynbeit halor u pud u sam ki ba don ha ka jingiakynad, na ka liang ki nongwan rungtuh na ka jylla ba markhap ka Arunachal Pradesh kim shym la randien na ka bynta ban leh ia ki kam pynkhihwin ha ki bynta jong ka Ranga Reserve Forest.

Ha kane kajuh ka jaka ha ka 23 tarik u Naiwieng jong ka snem ba la dep, ki paidbah na shiliang khappud ka Arunachal ki la ther kuli ia ki heh ka tnat forest ka Assam ki ba la pyrshang ban khanglad ia ki ba kin pom ia ki dieng ba remdor na kane ka khlaw.

Share post:

spot_img
spot_img

Popular

More like this
Related

Rai ka BJP ban iakynduh ia u CM ka Assam ba mih ki jingiakajia ha khappud

Shillong, Nailur 25 : Ka Bharatiya Janata Party (BJP)-Meghalaya...

Cricket U-19 Boys Inter District : Pynliem ka West Jaintia ia ka West Khasi Hills da 7 wicket

Shillong, Sep 25: Ka West Jaintia Hills District Cricket...

Meghalaya BJP seeks Assam CM’s intervention to resolve clashes along border

Shillong, Sept 25: In the midst of ongoing border...

Manipur: Ka thma Jaidbynriew ka dei ka plan ki Meitei ban iakhun Ri laitluid, ong ka KIM

Imphal, Nailur 25 : Ka Kuki Impi Manipur (KIM),...