Shillong, Nailur 09 : Ka jingther u lapbah ha ka janmiet sngi Nyngkong, kala wanrah ia ka jingtwa khyndew bad khyllem ki dieng kaba ishyrkhei ha ka thain Ryngdang Briew, Mawlai-kaba la wanrah ia ka jingdheng kali kaba jur ha ka thain.
Kane ka jingtwa khyndew la antad ba kala jia hapdeng ka miet shiteng synnia ka Nyngkong bad ka step phyrngap ka sngi ba-ar, ha kaba baroh ki kali kiba hiar na Shillong sha Ri-Bhoi bad kumjuh ruh kiba wan kiew na Ri-bhoi sha Shillong, kila sahkut bad hap phai ban leit iaid na ka surok Mawlai Umrynjah-Umroi.
Kat kum ka jing iathuh jong ki nongleit nongwan ki la ong ba donbok pat ba kane ka jingjia ka jia ha ka por dangstep ba dang duna ki nongleit nongwan.
Na kaliang ki bor ba dei khmih tang mar ia ioh jingtip ki la hiar wut sha katei ka jaka ban weng bad ban pynkhuid noh ia katei ka jaka khnang ba kan ym pynthut ne buh jingeh ia kiba leit bawan.
