Shillong, Nohprah 19 : Ka Sorkar Jylla lyngba ka Kynhun Myntri, kala mynjur ia ka Ordinance hynne ka sngi Ba-ar ban tyngkhap ia ki kyndon ka UGC, ka ban treikam ha ka Captain Williamson Sangma State University Act.
Ka Sorkar Jylla kala nang pyniar ia ka jylli jong ka Williamson Sangma State Technical University bad pynkylla ia ka sha ka State University ba pura mynta.
Cabinet today approved the Captain Williamson Sangma State University
Amendment Bill (Ordinance). With the expansion of the scope of the State University previously from a Technical University, the amendment is being done to incorporate certain UGC norms applicable to the State… pic.twitter.com/nKdAIC5DgB— Conrad K Sangma (@SangmaConrad) December 19, 2023
Ia kane ka Ordinance jong ka Captain Williamson Sangma State University (Amendment) Bill la wanrah khnang ban ioh pynrung ia ki katto katne ki kyndon ka UGC bad ia kane ka Amendment la ai jingmynjur hynne ka sngi, pyntip u Myntri Rangbah ka Jylla Conrad K Sangma haba iakren bad ki nongthoh khubor.
Katto katne na ki kyndon ki kynthup kum ka jingthung ia ka Board of Governors bad ka jingpynwandur ia ka Board of Governors kat kum ki kyndon ka UGC.
Kawei pat ka dei ka Board of Management kumba la bthah da ka UGC ka ban sa pynrung lang ha ka Ain.
Ki don ruh katto katne ki jingpynkylla kiba rit b aria kiba donkam ban hap leh kat kum ki kyndon treikam ka UGC ia kiba hap ban pynrung hynrei kiba kongsan eh ki dei ka Board of Governors bad ka Board of Management.
U Myntri Rangbah ula pyntip ruh ba ka jingshna ia ka Campus kala sdang shaid shaid mynta bad ka thong hi ka long ban sdang shim klas noh naduh u snem ban wan.
