-->

Wanrah ka Samla Refiness da u maw ban pynsahnam ia ka jingkiew lum Everest | Aiti sha ka Tnad DMR

Date:

Share post:

Shillong, Naitung 11: Ka samla Rifiness Warjri kala aiti ïa uwei u maw ba ka lum na kliar jong u lum ba jrong tam haka pyrthei u Mt Everest shaka tnat Directorate of Mineral Resources ka Sorkar Jylla.

Ka samla Rifiness kala tam ia une u maw na kliar u lum Everest bad kala aiti ia u ha u Director ka tnat Directorate of Mineral Resources ka Sorkar Jylla u Bah Mardondor Tongper.

Lah ban kdew baka samla Rifiness kadei kaba saw bad kaba dang khynnah tam na Meghalaya ban poi shakliar jong u lum ba jrong tam haka pyrthei u Mt Everest.

Ïa une u maw bala wanrah na kliar u lum Everest yn pyni paidbah ha phyllaw jong ka Ophis ka tnat Directorate of Mineral Resources Shillong kum ka dak ban pynshlur bad ban ai mynsiem ïa ki nongwan jngohkai, ki samla pule, ki nongkiew lum bad ki paidbah.

Hashuwa ka samla Rifiness, 3 ngut kiwei pat na Meghalaya kiba la poi sha kliar u lum ba jrong tam haka pyrthei u Mt Everest ki kynthup Gary Jarman Lamare ha u snem 2012, Wansuk Myrthong ha u snem 2013 bad Dolyne Kharbhih ha u snem 2016.

Haba pdiang sngewbha ïa une u maw, u Bah Mardondor Tongper “Une u maw um dei tang u bynta jong u lum ba jrong tam ha pyrthei hynrei udei u dak jong ka jingsah jingkynmaw, u dak jong ka jingshlur jong ki samla ka Jylla Meghalaya namar lada don ka thong, ngin poi beit shaka jingjop namar kata ngin pynneh pynsah ïa une u maw”.

Naka liang ka samla Rifiness kala ong “Nga wanrah ïa une u maw na kliar u lum Everest ban siew kylliang iaka Jylla khnang ba une u maw un long kum ka dak ban pynshlur pat sa ïa kiwei ki samla kiba don iaka thong”.

“Nga kwah ban ieh ïa une u maw kum ka dak ban pynkynmaw ïa ki samla jong ka Jylla jong ngi ba lada ngi don ka thong, ngi poi beit shaka jingop” la ong ka samla Rifiness.

Ha kane ka sngi naka liang u Director ka tnat Directorate of Mineral Resources ka Sorkar Jylla u Bah Mardondor Tongper bad ki nongtrei jong ka DMR kila pynkupburom iaka samla Rifiness ban ai mynsiem iaka ban nang kiew shaphrang ha kiwei pat ki thong baka don.

Share post:

-->
spot_img

Popular

More like this
Related

Iashimbynta u CM ha ka silver jubilee ka ICYM ha Kerela

Shillong Risaw 05: U Myntri Rangbah ka jylla Conrad...

Ngat ki nongniah kali ba dih kyiad | T.3 lakh duna daiñ kuna ki pulit Ri-Bhoi

Nongpoh, Risaw 05: Ki pulit ka Nongpoh Traffic Police...

Garo jacket of Eri silk and pineapple fibre weaves spirit of sustainability at the Delhi event

Shillong, Oct 5: When actor Ashutosh Rana wore a...

SPL | Pynliem ka Mawlai ia ka Laitkor bad kiew biang sha ka kyrdan ba  nyngkong

Shillong, Risaw 5:  Ka kynhun ialehkai ka Mawlai ka...