Wanrah ka KHADC ia ka mang tyngka u 2024-25 ba duna T. 4.33 lak

Date:

Share post:

Shillong, Lber 11 : U Chief Executive Member (CEM) ka Khasi Hills Autonomous District Council (KHADC) Bah Pyniaid Sing Syiem ha ka sngi Nyngkong, ula wanrah ia ka mang tyngka u snem 2024-25 ba duna T. 4,33,410.

Haba wanrah ia ka mang tyngka ha ka sngi sdang jong ka Dorbar Mang Tyngka, u Bah Pyniaid ula ong “Ka don ka jingduna ha ka mang tyngka namar ka jingtyrwa pynlut ba T.329,07,00,710 ka kham heh ia ka jingmang pynmih pisa jong ka Council kaba long T.329, 02, 67,300 .”

Hynrei ula kular ia ka Iingdorbar ba ka Executuve Committee (EC) kan pyrshang katba lah ban wad ia ki lad ki lynti ha kaban pynkiew ia ka jinglum khajna jong ka Council.

U Bah Pyniaid ula ong ba ka jingmang pynlut bad jingmang pynmih jong ka Council ha ka mang tyngka u 2023-24 kan sa paw ruh ha ka mang tyngka u snem 2025-26 namar ka jingkhein jingdiah ka dei ka ban dang wan.

Ula ong ba ka jingai bhah mang tyngka kan iarap ban siew ia ka tulop sha ki MDC, Chairperson, Deputy Chairman, Nongialam ka Liang Pyrshah, ki Executive Member, ki Ophisar bad ki Nongtrei jong ki Tnad bapher bapher kynthup ka Executive, Legislative bad Judicial.

U CEM ula kren ruh halor ki sienjam ba la shim da ka EC ha u snem 2023-24 ban kyntiew ia ka jingtreikam jong ka Council bad ka jinglah ban lum khajna kham bun.

Kine ki kynthup ia ka jingmynjur ia ka Administration of Elaka (Amendment) Bill, 2023, United Khasi Jaintia Hills District Fishery (Amendment)Bill, 2023 bad ka Khasi Hills Atonomous District (Khasi Social Custom of Lineage) (Amendment) Bill, 2023.

Ula ong ba ka jingai building permission jong ka EC lyngba ka Khasi Hills Building and Structure Regulatory Authority (KHBSRA) kala iarap bha ban weng ia ki jingeh bala mad da ki paidbah bad ka jingioh lum khajna na ka jingai building permission kala iarap ia ka pla tyngka jong ka Council.

U Bah Pyniaid ula iathuh ba ka Council kala mad ia katto katne ki jingeh haba iadei bad ka jingai ia ka Land Title Right Certificate namar ki katto katne ki jingpynbna bala pynmih da ka Sorkar Jylla.

“Ngi la iakren ia kane ka kam bad ka Sorkar Jylla bad ngi kyrmen ban gin sa lah ban pynbeit noh shem naba ka jingsiew bala ioh lum na ka jingai ia ka Land Title Rights Certificate kan nang bynrap ia ka jingpynmih pisa jong ka Council” ula ong.

Ula pyntip ruh ba ka Executive Committee kala shimkhia bha ban tehlakam ia ka jingkhaii beain jong ki nongkhaii bar jylla.

Nalor kane, u Bah Pyniaid ula pyntip ba ka jingpyllait ia ka grant na ka Finance Commission kala suki bha namar ka jingpynkylla ia ki kyndon ha ka jingpyntreikam ia ki skhim. “Ka EC dang shen kala thep lut ia baroh ki skhim ha ka e-Gram Swaraj portal bad ngi kyrmen ba ka Sorkar India kan sa pyllait noh shen ia ka song pisa sha ka Council hapoh ka Urban Local Bodies” ula ong.

Ula pynbna ruh ba ka Council kan sa sdang ban buh bha noh ia ki land record hapoh u pud u sam jong ka da ka jingiarap jong ka National Land Records Modernisation Programme (NLRMP).

Haba kren halor ka jingjop jong ka Monolith Festival, u CEM ula pyntip ba ka EC kan sa wanrah shen ia ka Bill ban pynthikna ba kane ka tamasa kan long noh shisien ha ka shisnem ban kyntiew bad pynneh pynsah ia ka kolshor bad ki jingle tynrai jong ka Jaidbynriew Khasi.

Share post:

spot_img

Popular

More like this
Related

Meghalaya BSF apprehend six Bangla nationals

Shillong, Feb 22: Acting on specific intelligence inputs, Border...

USTM Chancellor remanded to 14-day judicial custody

Shillong, Feb 23: USTM Chancellor Mahbubul Hoque arrested in...

Hukum ka Iingkashari ban set ia u Chancellor ka USTM ha ka judicial custody ba 14 sngi

Mih ki jingkynnoh ba dei ka jingpynhiar kput u...

Pynshlur ka SAFF ban kyrshan ia ka Sorkar ha ka jingiakhun thma pyrshah i’u droks

Shillong, Rymphang 23 : Ka Shillong All Faiths Forum...