Shillong, Rymphang 18: Ka Khasi Hills Autonomous District Council (KHADC) kala wanrah ia ka mang tyngka ba lai bnai ne Vote on Account, ba T.36, 99, 83, 830 jong u snem 2026-27.
Ia kane ka mang tyngka la wanrah da u Executive Member ka tnad pla tyngka ka Council Bah Seibor Warbah, ha ka Dorbar Mang tyngka ba sdang ha ka sngi Balang. Kane ka mang tyngka kan treikam naduh u bnai Iaiong haduh ka 30 tarik Jylliew 2026.
Haba wanrah ïa kane ka mang tyngka, u Bah Seibor u la ong, ka Executive Committee kam pat lah ban wanrah ïa ka mang tyngka kaba pura namar ba ka council ka dang hap ban ïoh jingkhein tad haduh ka taiew ba khatduh jong u bnai Lber.
U Bah Seibor u la ïathuh ba ka ïa ka mang tyngka kaba pura jong ka Khasi Hills Autonomous District Council yn sa wanrah pat ha ka sien shong dorbar ka ban wan.
Na kane ka mang tyngka, ka tnad General Administration Department ka ioh T.9, 14, 51, 600 , ka Law Department ka ioh T. 18, 53, 920, ka Revenue Dudget & Finance Department- T. 2, 76, 64, 360, ka Forest Administration Department-T. 2, 84, 41, 860, ka Administration of Justice & Judicial Department -T. 1, 80, 43, 850, ka Legislative Department – T. 2, 36, 39, 150, ka tnad Education-T4, 11, 520, ka tnad Civil Work & Development-16, 24, 94, 700 bad ka Enforcement Scheme for protection of Tribal Land & Interest-1, 59, 82, 870.
 kala wanrah ia ka mang tyngka ba lai bnai ne Vote on Account,ba T.36, 99, 83, 830 jong u snem 2026-27.){kind=link}