Shillong, Nailur 29 : Ka Meghalaya kala ioh ia ka kyrdan kum kawei na ki Jylla ba wan shakhmat eh ha ka jingpyntreikam ia ka Jal Jeevan Mission (JJM).
Ia kane la pyntip da u Myntri Rangbah ka Jylla Conrad K Sangma hynne ka sngi palei, haba kren ha ka jingialang ban olie ia kiba bun ki project kam pynroi jong ka 18-West Shillong Constituency, kaba la pynlong ha Hindu Mission, Lower Mawprem.
“Baroh na phi phin sngewtynnad ban tip ba ha ka sngi rakhe ia ka Gandhi Jayanti, ka President ka Ri India kan sa pynkup ia ka khusnam kum kawei na ki Jylla ba wan shakhmat eh ha ka jingpyntreikam ia ka JJM ia ka Jylla jong ngi” ong u Myntri Rangbah.
Haba aijingkren, u Myntri Rangbah ula pyntip ruh ba ka Jylla kala ioh ruh ia shibun ki khusnam dang shen namar ka jinglah ban pyntreikam bha ia kiba bun ki programme kaba kynthup naduh ki kam ba iadei bad ka koit ka khiah haduh ka kam jngoh kai pyrthei.
“Ngi la treikam da ka thong ban pynlong ia ka Meghalaya kum kawei na ki Jylla ba don ha ka kyrdan ba 10 (top 10) ha kine ki 10 snem ban wan bad da ki sienjam kiba biang bad ki policy ba wanrah, ka Jylla kan sa nang kiew irat ha kiba bun ki kam pynroi” ula bynrap.
Ha kane ka jingialang, u Myntri Rangbah ha ryngkat u MLA ka thain Mohendro Rapsang lem bad kiwei kiwei ki kynrem ki lyndam, kila pyllait paidbah ia ka kali kit metiap jong ka Hindu Mission bad ruh ia ki LED Street Light bad ki kor CCTV ba la pyndait ha ka thain.
Ia kine ki project la pyntrei na ka song pisa jong ka Chief Minister’s Special Development Fund. Ha kane ka sngi, u Myntri Rangbah ula ioh ruh ban iakren iakhana bad ki Khynnah kiba sah ha ka jaka ri khunswet jong ka Meghalaya Hindu Mission.
Glad to learn that the installed CCTVs and LED Street Lights are creating a safe environment for the citizens.
I appreciate the efforts of Sh. Mohendro Rapsang who is working tirelessly for the people. pic.twitter.com/CY2B6n9VXM
— Conrad Sangma (@SangmaConrad) September 29, 2022
