Shillong, Jylliew 28: Ki Nongshongshnong ka Rombagre, West Garo Hills hynne ka janmiet kila lap ia uwei u Python uba heh bad ba jrong bha, uba wan riehtngen ha ka kper ladew hapoh ka thain.
Ia kane ka jingjia la pyntip noh mar mar sha ki Nongtrei ka Tnad Wildlife kiba la leit mar mar sha kane ka jaka ha ryngkat ki Pulit na Tura, ban shimti ia une u Python, uba la ithuh kum u jingthaw uba la don hapdeng ka jingma kaba jur ban duh jait noh.
U District Forest Officer (DFO) ka Tnad Wildlife Arpiush Sangma ula iathuh “Une u bsein u ikop kum u Rock Python na Burma uba don ha tmier ban duhjait noh. Ia ka jingheh bad jingpynithuh thikna ia u yn lah ban tip hadien bala wad jingtip ba bniah”.
Une u Ophisar ula ong “Ki kynhun na ka Tnad kila leit sha kane ka jaka ban shimti ia une u Python ba un lait na kano kano ka jingma”.
