Udalguri, K’lyngkot 06 :Ki dkhot jong ka kynhun kieng atiar AANLA ha ka 5 tarik mynta u bnai kila wan ban pyndem noh ia ki tiar ialeh jong ki ha ka jingialang kaba la long ha Paneri tea estate Bhergaon ha Udalguri, Assam.
Kine ki lehnoh kiba treikam ha Udalguri bad Baksa kila wan ban pyndem noh ia ki tiar ialeh ryngkat ki kuli ha ka jingiadon lang u additional superintendent of police u Jyotiprasad Pegu bad u ophis ka Paneri Police station u Sanjib Terang.Kine ki tiar ialeh kiba la wan ban pyndem noh ki kynthup ia ki suloi, ki bom hand grenade, mines, kuli bad kiwei pat.
U hehduh ka kynhun AANLA u Dipen Nayak, u Chief commandant u Peter Dandi nalor u nongialam jong ka district bad uba hapoh jong u ki dei napdeng kiba la ia don lang ha kane ka jingialang pyndem wait.
Ha ka 15 tarik u Nailur 2022, santylli ki kynhun kieng atiar ka jylla kila iasoi ia ka soskular jingsuk ha ka jingiadon lang u Myntri kam pohiing ka sorkar pdeng u Amit Shah bad u Myntri Rangbah ka Asssam u Himanta Biswa Sarma.
Kine ki santylli ki kynhun kieng atiar ki kynthup ia ka All Adivasi National Liberation Army, Adivasi People’s Army, Birsa Command Force, Adivasi Cobra Military bad ka Santhal Tigers Force.
Shuh shuh kham hashwa kila don haduh 1179 ngut ki dkhot jong ki artylli ki kynhun kieng atiar na ki jaidbynriew Reang, kata ka Bru Liberation Army Union (BLAU) bad ka United Democratic Liberation Army (UDLA) kiba la wan ban pyndem wait noh ha ka 12 tarik u Nohprah ba la dep ha ka jingialang kaba la long hapoh Hailakandi district ka Assam.
Kine ki artylli ki kynhun kieng atiar na ka jaidbynriew Reang ki dei kiba treikam ha ki bynta jong ka Cachar, Karimganj bad Hailakandi district ka thain shathie ka Assam.
