spot_img

Wan nyngkong ka MLCU na ki University shimet ha Meghalaya ha ka IIRF

Date:

Share post:

Shillong, Jylliew 16: Ka Martin Luther Christian University (MLCU) ka la ioh ia ka kyrdan kaba nyngkong ha Meghalaya, kaba ar ha North East bad kyrdan ba 62 ha India napdeng ki skulbah shimet ha ka India Institutional Ranking Framework (IIRF) u snem 2025.

Da kane ka kyrdan, ka MLCU ka la paw kum ka skulbah shimet kaba don ha ka kyrdan kaba ha khlieh duh ha ka thain shatei lammihngi jong ka Ri India, kaba la buh ia ka ha ka kyrdan kaba skhem hapdeng ki 100 tylli ki skulbah kiba ha khlieh duh ha ka ri baroh kawei.

Kane ka jingioh jingithuh ka pyni ia ka jingnang paw kane ka skulbah ha ka jingtbit ban shakri haka pule puthi, ka jingpyndonkam ia ki buit thymmai, bad ka jingaiti jong ka ban pynmih ia ki graduate kiba lah ban trei ia ki kam ba donkam.

Ka jingai kyrdan jong ka IIRF 2025 ka dei kaba la pynshong nongrim kat kum ki kyndon kum ka jingkhlain ha ka rukom ai jinghikai, ka jingmih na ka jingwad bniah, ka jingïadei bad ki Company aikam iaki samla pule bad ka jinglah ban treikam kum ka skulbah.

Kila don palat 2,500 tylli ki skulbah kynthup palat 500 tylli ki skulbah shimet kiba la bishar shah bniah.

La seng ia ka MLCU ha u snem 2005, ka MLCU ka ai jingshakri haka pule puthi haka rukom ba iaid beit naka bynta ki samla pule.

Ka skulbah ka dang iai bteng ban don ka bynta kaba kongsan ha kaba pynwandur ia ki riew shemphang kiba tbit, kiba don ka jingsngewrit bad kiba noh synniang da kaba don jingmut sha ka imlang sahlang.

Share post:

spot_img
spot_img

Popular

More like this
Related

Durand Cup | Thaw histori ka NEUFC ban long Champion arsien kynthih naduh u snem 1991

Kolkata, Nailar 23: Ka NorthEast United FC kala thaw...

Arunachal | Kyntu u Lat ia ki Lyngdoh niam ban buh jingthoh iaki jingleh tynrai

Itanagar, Nailar 23: U Lat ka jylla Arunachal Pradesh...

Sdang ka lympung Futsal ki kynhun ba kyrshan ïa ki Club pawnam ka pyrthei

Nongstoiñ, Nailar 23: Ki riew ieid Football kiba kyrshan...

Assam CM hits back at Jamiat Ulama-i-Hind chief

Guwahati, Aug 23: Assam Chief Minister Himanta Biswa Sarma...