Shillong, Naitung 11 : Ki nongialam ka Zilla Pancyahat Council ka North Goa hynne ka sngi Ba-ar, kila wan iakynduh ia ka MDC ka Khasi Hills Autonomous District Council ban ioh jingshemphang bad sngewthuh iaka rukom treikam jong ki District Council kat kum ka jingpynkup bor lyngba ka Sixth Schedule jong ka riti synshar ka ri.
Katei ka kynhun hapoh ka jingialam jong u Sieddesh Shripad Naik, Chairman ka Zilla Panchayat, North Goa bad u CEO u Ajay Gaude, kila iakynduh ia u CEM ka Council Bah Pyniaid Sing Syiem, u Chairman ka KHADC Bah Lamphrang Blah, ki Executive Member bad ki MDC jong ka Council ban iakren bad ban tip bniah kumno ki District Council ha Meghalaya ki treikam bad kumno ki pyniaid ia ki kam pynroi bad kiwei kiwei ki kam kiba iadei bad ka roi ka par bad ka jingai jingshakri ia u paidbah ha u pud u sam jong ki Council.
Haba iakren bad ki nongthoh khubor, U Sieddesh Shripad Naik, ula ong ba ka jingwan jong ka kynhun sha jylla Meghalaya bad khamtam ban iuhkjat ha Khasi Hills Autonomous District Council (KHADC) ka long eh na ka bynta ban wad jingtip halor ka rukom synshar ka rukom treikam jong ka Council bad da kane ka jingthmu yn rah sha Goa na bynta ban pynbha shuh shuh iaka rukom treikam ha katei ka jylla.
“Da ka jingleit lum jingtip na kylleng ki jylla, ngin lah ban kyntiew ia ka rukom treikam ha ka synshar khadar bad ngin lah ruh ban ai jingmut ia ka sorkar ha Goa, ia kaei kaba lah ban leh na bynta ban kyntiew ia ka District bad ia ka jylla” ong u Sieddesh haba bynrap, ba ka jingwan jongka kynhun ka long ban iohi ia ka bor treikam jong ki District Council ha kane ka jylla bad kumno ki pyniaid ia ka jingtreikam ha kaban shakri ia ki paidbah.
Ula ong ba ka jingiakynduh bad u CEM ka KHADC ka long kaba sngewtynnad bad ka rukom pyniaid jongki ia ka Council bad ka rukom ai jingshakri sha ki paidbah ka long kaba i itynnad bha.
U Ajay Gaude ula ong ba ka don ka jingiapher ha ka rukom treikam hapdeng ka Zila Panchayat bad ka District Council namar ba hangne ia ki kam pynroi la pyntrei ka District Council katba ha Zila Panchayat la pyntreikam lyngba u CEO ba la thung ka sorkar jylla.
Na ka liang u Bah Pyniaid Sing Syiem ula iathuh ba ka jingwan jongki ka long ban tip kham bniah ia ka rukom pyniaid jong ka District Council, nangta ia ka riti dustur bad khamtam eh ia ki bor treikam ba ka Council ka don ban peit ia ki Hima, ka synshar khadar bad kiba bun ki bynta bad ia ka bor ba ki District Council ki ioh lyngba ka Sixth Schedule jong ka Riti Synshar ka Ri.
Pule lang ia kane: Pynjari 144 CrPC ha Shillong : Ong ka DC ia ki paidbah ban rung iing noh hapoh ka 10 baje mynmiet
 ka long eh na ka bynta ban wad jingtip halor ka rukom synshar ka rukom treikam jong ka Council bad da kane ka jingthmu yn rah sha Goa na bynta ban pynbha shuh shuh iaka rukom treikam ha katei ka jylla.){kind=link}