Nongstoiñ, Jymmang 15: Ka seng Hynñiewtrep Youths Council HYC Ri Muliang Circle hynne ka sngi Balang, ka la leit ujor hakhmat ka DH&MO ka West Khasi Hills District, halor ka jingdon ki bar jylla kiba wan die dawai beain bad ki jingbam hapoh ka thain Ri-Muliang.
Kane ka seng hapoh ka jingialam u President samla Disterborlin Wanniang, kala pyntip ba ki bar jylla ki ju wan die ia ki dawai ha ka shnong Tynghor, Langja, Langpih bad kiwei ki jaka ha ka thaiñ khlem da ïoh jingbit.
Ka ong ba kane ka wanrah jingma ia ka koit ka khiah ki paidbah bad ruh ka pynartatien ioh ba kine ki bar jylla ki wan ban die lang bad u drug khamtam haba iohi ba kila sdang ban don kiba die droks hapoh ka thain.
Ka HYC ka pyntip ba na ka liang ka DMHO, kala kular ban shimkhia ïa katei ka jingkyrpad ka seng haba pyntip ba ka Ophis ka DMHO kan sa leh ia kaba donkam.
