Shillong, Nohprah 12: Ka Meghalaya State Network of Positive People (MSNP) haka jingiatreilang bad ka Meghalaya AIDS Control Society (MACS) kala pynlong iaka program ban jingkynmaw iaka World AIDS Day daka jingiakynduh lang bad ki briew ba don jingpang HIV/AIDS kiba don hapoh ka seng Greater Involvement of People Living with HIV/AIDS (GIPA) ha Shillong.
Ha kane ka sngi kala don ruh ka jingiathir sani bha halor ka jingpang HIV AIDS bad kumno ban iada ialade na u khniang jingpang bad kumno ban ioh ki lad jingiada.
Haba kren ha kane ka sngi ka Project Director jong ka MACS, ka Dr KL Iawbor kala pynpaw baka Meghalaya ka don haka kyrdan ba 6 hapoh ka Ri naki Jylla ba bun ki briew ba don jingpang HIV.
Ka Dr Iawbor kala ong ba kaba dei ka kamram jong iwei pa iwei ban iatylli khnang ban pynkhlain ia ki rukom ialap paidbah haba iadei bad ki daw ba ki briew ki ioh u khñiang jingpang HIV.
Kala ong ba ka thong jong ka MACS ka dei ban iada iaka jingim briew, namar man ka jingim ka long kaba kordor bad ym dei ban ieh bein iano iano ruh ki briew kiba don ïa u khñiang jingpang HIV/AIDS.
“Lada ngi kloi ban shim ïa kine ki jingkitkhlieh, ngin lah ban pynduh jait ïa u khñiang jingpang HIV/AIDS napoh ka Jylla ha ki snem ban wan” ong ka Dr Iawbor.
Ka Dr Iawbor kala pyntip ba ka jingjngai ki jaka sumar lane ki ART centres kadei kawei ka daw ba ki briew ba don jingpang HIV (People Living with HIV) kim wan shuh shakhmat ban shah buddien haba iadei bad ka koit ka khiah jong ki.
“Nga ai khublei iaka MSNP bad iaki dkhot kiba pynkhlain iaka rukom treikam jong ki ban iai buddien iala ki dkhot khamtam kito kiba don jingpang HIV ban wan shakhmat ban eksamin iaka koit ka khiah” kala ong.
Ka la ong ba ka MACS kala nang pyniar iaka rukom treikam bad dang shen ka MACS kala ai jingkyrshan iaki ART centres kiba don ha West Jaintia Hills, East Jaintia Hills nalor ka jingrakhe Advance Christmas bad ki khynnah kiba shah ktah ha u khniang jingpang khnang ban pynphriang ia ka jingieid bad jing ia tylli.
 haka jingiatreilang bad ka Meghalaya AIDS Control Society (MACS) kala pynlong iaka program ban jingkynmaw iaka World AIDS Day daka jingiakynduh lang bad ki briew ba don jingpang HIV/AIDS kiba don hapoh ka seng Greater Involvement of People Living with HIV/AIDS (GIPA) ha Shillong.){kind=link}