Wan ka IIT-Guwahati ha ka kyrdan ka ba 7 napdeng ki engineering college hapoh ka NIRF

Date:

Share post:

Guwahati, Naitung 15: Ka Indian Institute of Technology-Guwahati (IIT-Guwahati) ka la wan ha ka kyrdan ka ba hynniew napdeng ki engineering college ki ba hap hapoh ka National Institutional Ranking Framework (NIRF) 2022.

Katkum ka NIRF 2022 ranking, ka IIT Madras ka la wan ha ka kyrdan ka ba hakhmat tam napdeng ki engineering college katba ka IIT-Delhi ka la wan ha ka kyrdan ka ba ar bad ka IIT-Bombay ha ka kyrdan ka ba lai.

Ka IIT-Madras ka la wan ruh ha ka kyrdan ka ba hakhmat eh ha ba bishar bniah na baroh ki liang (overall), katba ka IIT-Guwahati ka la wan ha ka kyrdan ka ba phra.Ka IISc-Bangalore ka la ioh ha ka kyrdan ka ba ar bad ka IIT-Bangalore ha ka kyrdan ba lai. Ka JNU ka la wan ha ka kyrdan ka ba shiphew ha ba bishar bniah ha baroh ki liang.

Ka National Institutional Ranking Framework (NIRF) ka dei ka rukom treikam ba la pyntreikam da ka Ministry of Education, Government of India na ka bynta ban ai kyrdan ia ki jaka pule ki ba kham shalor ha India.

Ia baroh ka jingpynbit pynbiang la mynjur da ka Ministry of Human Resource Development bad la plie da u Myntri kane ka tnat ha ka 29 tarik u Nailur 2015.

Da ka ba pynshong nongrim halor ka jinglong ki jaka treikam ki jong ki, ia ki jaka pule la pynhap kyrdan hapoh ki 11 tylli ki bynta, kata ha ka overall, university, colleges, engineering, management, pharmacy, law, medical, architecture, dental bad research.

Share post:

spot_img

Popular

More like this
Related

Manipur : Pyndem suloi ki Pulit Commando ka Manipur ha Imphal

Imphal, Rymphang 28: Ka kynhun ki Pulit Commando ka...

Tripura: Sngewkhia jur u CM ba kiew ka jingdih droks hapoh ka Jylla

Agartala, Rymphang 28: U Myntri Rangbah ka Tripura Manik...

Manipur : Ioh pyllait im ki Pulit ia u Addl SP na kti ki kynhun kaikhlaw

Imphal, Rymphang 28: Ki Pulit kila ioh ban pyllait...

Gunfight breaks out between security forces and armed men in Manipur; two injured

Imphal, Feb 27: A fierce gun battle erupted between security...