Shillong, Rymphang 02: Ka jingialehkai ban jied (Trial) ia ki khynnah shynrang bad kynthei ba ialehkai phutbol jong ka Jylla Meghalaya, kan long ha nongbah Shillong na ka bynta ka AIFF-FIFA Academy.
Ia ka Trial yn pynlong ha Madan MFA Turf Third Ground, Polo Shillong ban ithuh ia ki sap kyrpang jong ki khynnah ialehkai phutbol kum shibynta jong ka lynti ban pynroi ia ki khynnah donsap jong ka ri India.
Ki khynnah kynthei ki dei kiba kha ha u snem 2011 ne 2012 bad ki khynnah shynrang ha u snem 2012 ne 2013.
Ka Trial kan long haka 18 tarik Rymphang na ka bynta ki khynnah shynrang kiba kha ha u snem 2012, ha ka 19 tarik Rymphang na ka bynta ki khynnah shynrang kiba kha ha u snem 2013 bad ha ka 20 tarik Rymphang na ka bynta ki khynnah kynthei ba kha ha u snem 2011 bad 2012.
Ban iaid beit iaid ryntih ka Trial, la kyntu iaki Coach bad ki Player ban pyndap ia ka phorm pynrung kyrteng kham kloi lyngba ka website https://forms.gle/C5oLSAV8unP5i1LG9
 ia ki khynnah shynrang bad kynthei ba ialehkai phutbol jong ka Jylla Meghalaya, kan long ha nongbah Shillong na ka bynta ka AIFF-FIFA Academy.){kind=link}