Shillong, Nailur 04: Ka kynhun ka Karnataka Legislative Assembly’s Committee on Public Undertakings ha ka sngi Palei, kala wan jurip iaka Ïingdorbar Thaw Aiñ jong ka Jylla Meghalaya bad ïa kynduh ïa u Lamphang u Thomas A Sangma.
Kane ka kynhun ba la ialam da u Chairman Basavaraj Neelappa Shivannanavar, ka thmu ban pynkhlain ia ka jingiakren bad ka jingiatreilang ha ki tnat treikam hapdeng ki ar tylli ki Iingdorbar thaw ain.
Ha kane ka kynhun na Karnataka la don lang u Araga Jnanendra, u MY Patil, u Allamaprabhu Patil (MLA), ka Umashree bad ka Bharathi Shetti (MLC).
Ka jingiakynduh lang kadei ban plie lad ban iasam jingmut halor ki rukom synshar bad ki kam paidbah, ban kyntiew ia ka synshar paidbah bad ka jingiatreilang ha ka liang ka ain.
Ka jingiakren ka thmu ban pynskhem ia ka jingiadei hapdeng ki ar tylli ki Iingdorbar thaw ain bad ban iasam ia ki rukom treikam kiba bha tam.
Ha kane ka sngi la donlang ruh u Symbud Lamphang ka Iingdorbar thaw ain ka Jylla u Timothy D Shira, u Secretary u Malthus S Sangma bad kiwei kiwei ki heh ophisar.
