Agartala, Nailur 09 :Ka jylla Tripura kala wan ha ka kyrdan kaba hakhmat eh ha kaba iadei bad ka jingdon jong kiba iap na ka jingleh tortit hapoh ki jaka aijingsumar ha ka thain shatei lammihngi (Northeast) jong ka ri.
Ia kane la pynpaw ha ka kaiphot kaba shisien shi snem jong ka National Crime Records Bureau (NCRB), ia kaba la pyllait ha ka 29 tarik u Nailar ba la dep. Artylli ki jingjia jong ka jingkhlad namar ka jingleh torti da ki tnat aijingsumar ha Tripura la pynpaw ha ka kaiphot jong ka NCRB.
Ha kawei pat ka liang, ka Assam kala wan ha ka kyrdan kaba hakhmat eh halor ka jingdon jong kiba iap namar ki mat kiba iadei bad ka dowry napdeng ki jylla ka thain Northeast.
Ha Assam kila don haduh 198 tylli ki jingjia shah pyniap namar ka dowry ia kiba la rejistar ha ka snem 2021.Ka Tripura kala bud hadien jong ka Assam halor ki jingjia shah pyniap namar ka dowry hapoh Northeast, kata da kumba 22 tylli ki jingjia shah pyniap.
Ha ka snem 2021 ka jingioh jingkhein ka pyni ba ka Assam kala rejistar haduh 1192 tylli ki jingjia kam pyniap bad 1269 ngut ki lanot
Baroh ki don haduh 1955 tylli ki case shah pyniap ba la rejistar ha ka snem 2021, kaba pyni ruh halor ka jingkiew kaba 5.7 percent na ka snem 2020, kata da 1849 tylli ki case hapoh ka ri.
