Vinoo Mankad Trophy  | Lamkhmat u Ankit ia ka Meghalaya ban pynliem ia ka Arunachal 

Shillong, Risaw 13: Ka Meghalaya ka la ioh ba kan khur ia ka jingjop kaba nyngkong ka jong ka ha ka U-19 Vinoo Mankad Trophy hadien ba ki la lah ban pynliem ia ka Arunachal Pradesh da 71 ron ha ka kyrdan iakhun ka plate group ba la long ha Chandigarh mynta ka sngi.

Ka Meghalaya kaban la wan ba kan tied nyngkong, ki la lap ba hap lut baroh ki wiket ki jong ka, hadien ba ka la lah ba kan kamai 137 ron na ki 40.3 over, haba wan ban bol pat, ka la lah pat ban pynhap lut ia ki wiket ka Arunachal Pradesh hadien ba ka la lah ba kan kamai tang 66 ron na ki 17.3 over.

Ha kaba sdang eh ka pali kamai ron ia ka Meghalaya, ka la lap ba hap noh 2 wiket hadien ba ka la lah ba kan kamai tang 22 ron, pynban wan mih ka jingiakamai ron paralok hadpeng u Rudra Singh Rathor (21) bad u Angkit Tamang (67 not out), kaban seng ia ka nongrim kaba skhem biang ia la ka kynhun.

Wat lada ka 137 ron kam da dei than eh katta ka thong kaba heh, pynban ka la shu biang pat ia ki nongkawang bol ka Meghalaya ba kin leh ia kaei kaba ki donkam, khamtam na u Apandanka Marak uba la ioh ban khur 4/25 na 7 overs, Angkit 4/10 na ki 4.3 bad Gaurav Narleng 2/10 na ki 3 ober, .

Kumta kane ka jingjop, ka long ka jingai mynsiem ia ki rang ialehkai ka Meghalaya kiba la wan rung sha kane ka jingiakhun hadien ba ki la mad ia ki artylli ki namrem, bad khlem pep ka mynsiem iakhun kan iai bteng na ka bynta ka jingiakhun kaban wan pyrshah ia ka Nagaland kab ala buh ban long ha ka sngi Balang jong ka taiew.