Shillong, Risaw 14 : U MLA ka BJP na Pynthorumkhrah bad Myntri barim ka Sorkar Bah A.L.Hek, ula pynpaw ia ka jingbym mynjur bad ka jingdawa jong ka BJP-Meghalaya ban weng noh mardor ia ka Deputy Commissioner halor ka jingkynnoh ba kam lah ban pynthikna ia ka jingshngain ki Khynnah.
Haba iakren bad ki lad pathai khubor, u Bah Hek ula pyntip ba ula phone ia u President ka BJP ba pan jingshai halor ka rai, bad buh jingkylli ia ka jingdon jingiadei haba ka kam ka dei jong ka Tnad Pulit.
“Kat kum ka jingsngewthuh jong nga, ki kam bymman ki dei kiba hap hapoh ka jingkhmih ka Tnad Pulit. Nga sngew ba kam don jingmut ban dawa weng ia ka Deputy Commissioner” ula ong.
U Bah Hek uba don mynta ha Delhi, ula pynpaw ba um pat da tip bha halor ki kam ha lyndet kane ka jingdawa bad pynpaw ia ka jingkyndit ba ka party ka khlem pyntip ne iasyllok bad u hashuwa ban pynmih ia kum kane ka jingdawa.
