Shillong, Naiwieng 25: Ka Meghalaya Cricket Association kala pynbna ia ka kyrteng jong ki 15 ngut ki nongialehkai Cricket kiban leit iashimbynta ha ka Vijay Merchant Trophy, kaba dei ka U-16 Tournament na ka bynta ki shynrang kaban pynlong da ka BCCI.
Ka kynhun jong ka Meghalaya, kaba dang don mynta ha ka jingpynkhreh kan iakhun 5 sien ha katei ka jingiakob bad baroh ki jingiakhun kin long ha Cuttack, ha kaba ka Meghalaya kan hap ban iakhun pyrshah ia ka Sikkim, Nagaland, Arunachal Pradesh, Mizoram bad Manipur.
Ka jingiakhun kaba nyngkong kan long ha ka 1 tarik u Nohprah bad ka kynhun jong ka Meghalaya kan mih ban leit sha Odisha ha ka 28 tarik u Naiwieng.
Ki nongialehkai ka Meghalaya ki kynthup ia u Aashish Kumar Lohar, Apandanka N Marak, Benedict Jones Makdoh, Dipayan Nandi, Gaurav Jyoti Thakuria, Gaurav Narleng, Heiyomiki Ryngkhlem, Kristwal S Marak, Manthan Gupta, Maremdorkini Sutnga, Mewankitbok M Kharpuri, Namewanki Pakyntein, Paisal Ali, Rudra Singh Rathore bad u Sujal Roy.
Ki Standby ki kynthup ia u Nathaniel Pyngrope, Rohit Sharma bad u Lawan Pynsuk L Mawnai katba ki Support staff ki kynthup ia u Sengam G Momin (head coach), Shankar Newar (assistant coach), Karma Sangma (physio), Santosh Ram (trainer) bad u Robert Z Ralte (manager).
Meghalaya vs Sikkim, naduh ka 1 tarik u Nohprah
Meghalaya vs Nagaland, naduh ka 6 tarik u Nohprah
Meghalaya vs Arunachal Pradesh, naduh ka 11 tarik u Nohprah
Meghalaya vs Mizoram, naduh ka 16 tarik u Nohprah
Meghalaya vs Manipur, naduh ka 21 tarik u Nohprah
