Shillong, Naiwieng 17: Ka Meghalaya Cricket Association hynne ka sngi Thohdieng, kala pynbna iaka thup kyrteng jong ki 15 ngut ki nongialehkai Cricket kiban mihkhmat iaka Meghalaya ha ka Vijay Hazare Trophy, kaba dei ka One Day Tournament naka bynta ki shynrang kaba la pynlong da ka BCCI.
U Tanmay Mishra uba la kha ha Mumbai uba dei ruh u nongialehkai jongka Royal Challengers Bangalore bad ka kynhun kaba mynshwa ka Deccan Chargers Indian Premier League uba la mihkhmat ruh ia ka jylla Tripura. Nalor kane ula ialehkai ruh iaka International Cricket na ka bynta ka ri Kenya ka ri kaba ula heh la san.
Ka jingdon ka jongu ha ka kynhun kan iarap shibun ia ka Meghalaya ha ka liang ka jingtied ne batting bad ka Meghalaya Cricket Association kala pyntip ruh ba ka dang pynneh ia ki ar ngut ki nongialehkai kiba kynthup ia u Rajesh Bishnoi bad u Nakul Verma.
Baroh 7 tylli ki jingiakhun jong ka Meghalaya kin long ha Jaipur bad ka Meghalaya ka don ha ka kynhun kaba kynthup ia ka jylla Vidarbha, Chhattisgarh, Jharkhand, Maharashtra, Services, Manipur bad Hyderabad.
Ka kynhun jong ka Meghalaya kadei kaba kynthup ia ki nongialehkai kiba la iashimbynta ha ka Syed Mushtaq Ali Trophy T20 Tournament bad mynta ka kynti ki nongialehkai kiba kynthup ia u Kishan Lyngdoh, Dippu Ch Sangma bad u Jaskirat Singh Sachdeva, kin ioh ia ka lad ban ialehkai ha ka sien nyngkong ia ka jylla ha ka BCCI Senior Level Tournament.
Ka kynhun jong ka Meghalaya ka kynthup ia u Akash Kumar Choudhary, Anish Charak, Bamanbha Shangpliang, Dippu Ch Sangma, Jaskirat Singh Sachdeva, Kishan Lyngdoh, Lerry G Sangma, Lakhan Singh, Md Nafees Siddique, Raj Biswa, Sanvert Kurkalang, Swarajeet Das, Nakul Verma, Rajesh Bishnoi bad u Tanmay Mishra.
Ki Standby ki kynthup ia u Yogesh Tiwari, Wilco Marak, Robert Sangma, Arbin Singh bad u Rounak Nongrum katba ki Support staff ki kynthup ia u Goutam Shome (head coach), Moisten Ch Marak (assistant coach), Surojit Biswas (physio), Vikash Singh Chauhan (trainer) bad OL Warjri (manager).
Kane ka kynhun kan mih ha ka 20 tarik u Naiwieng ban leit sha Jaipur.
Ki jingiakhun ka Meghalya ki long kumne harum
Meghalaya vs Vidarbha, 23 tarik u Naiwieng
Meghalaya vs Chhattisgarh, 25 tarik u Naiwieng
Meghalaya vs Jharkhand, 27 tarik u Naiwieng
Meghalaya vs Maharashtra, 29 tarik u Naiwieng
Meghalaya vs Services, 1 tarik u Nohprah
Meghalaya vs Manipur, 3 tarik u Nohprah
Meghalaya vs Hyderabad, 5 tarik u Nohprah
