Nongpoh, Nohprah 01 : Ka All Raid Marwet People Federation ( ARMPF) ha ka sngi Nyngkong, kala leit buh ia ka jingujor hakhmat u Deputy Commissioner ka Ri-Bhoi Abhilash Baranwal pyrshah ia ka jingjubor ka jingtih khyndew beain da ki briew ha ka thain Marwet.
Kane ka jingujor ka dei kaba la pynbud hadien ka jingsngap jar jar ka Ophis u Range Officer ka Tnad Forest, Byrnihat, ba dawa ban leit khang ia ka jingtih khyndew pathar ha ka thain.
U President bad Secretary ka ARMPF Bah Rink Sohpdang bad Bah Komol Shakwa, kila iathuh b aka jingtih dusmon bad jingpynjulor iaki lum ki khlaw ha kane ka thain ka jur bha, kaba la pyntyrkhong lut ia ki tyllong um kiba bsa umbam umdih ia ki shnong ki thaw.
Kila pynpaw ba kaba sngewsih ka long ba ha ka por ba jur u slap, haba shlei um ka sor Guwahati, ki jingkynnoh ki kdew beit ia ka Meghalaya baroh kawei hynrei ka jingshisha pat ka long ba tang katto katne ngut kiba leh ia kine ki kam ban kamai spah shimet.
KIne ki Nongialam ka ARMPF kila pynpaw ia ka jingsngewhun ia ka jingiakynduh bad u DC bad kyrmen ba une u khlieh duh ka District un iarap bad khlem lem ia kane ka kam pynjot mariang ha ka thain.
 ha ka sngi Nyngkong, kala leit buh ia ka jingujor hakhmat u Deputy Commissioner ka Ri-Bhoi Abhilash Baranwal pyrshah ia ka jingjubor ka jingtih khyndew beain da ki briew ha ka thain Marwet.){kind=link}