Nongpoh, Naiwieng 21 : Ka Nongpoh Region Auto Owners & Drivers Association (NRAO&DA) hynne ka sngi Palei, kala leit ban ujor sha u Deputy Commissioner bad Superintendent of Police ka Ri-Bhoi District, pyrshah ia ki Nongialam barim ka seng halor ka jingkynnoh ba ki pyndonkam bakla ia ka kyrteng jong ka seng.
Kane ka jingujor ka long pyrshah ia ki nongialam barim kynthup ia u Bah Marcus Martem bad u Bah W Makri.
Ha ka shithi ujor, la kynnoh ba kine ki nongialam barim ki dang bteng ban ialam bakla ia ki nongniah auto bad ban leh ia ki am beain, kynthup ka jingkhrong pisa na ki nongniah auto bad wat ban pynpait pynpra ia ka seng.
La kynnoh ba kane ka kynhun kala ialam bakla ia ki nongniah auto bad thmu ban pynlong ia ka jingialang jied nongkitkam thymmai ha ka 23 tarik mynta u bnai.
Haba iakren bad ki nongthoh khubor, u President ka NRAO&DA Bah Banasar Lyngdoh Nonglait, ula iathuh ba naduh ka 11 tarik Naiwieng, ka seng bad ki nongkitkam kila ioh ia ka jingithuh na ka Sorkar hynrei ki nongialam barim khamtam u Bah Marcus bad Bah Makri, la kynnoh ba ki dang pyndonkam bakla ia ka kyrteng ka seng ban phah shithi sha ki nongniah auto da kaba kam ba ki dei ki nongialam.
Ula kynnoh ba u Bah Marcus ula kam baka jingpynskhem ia ki nongkitkam thymmai ka dei kaba la leh da ki briew ki bym ithuh haba kam ruh ba wat ka jingithuh na ka Ophis u DC ka dei kaba leh bakla. U ong ba dei halor kane ka daw ba ki nongialam thymmai kila ujor sha u DC ban shimkhia ia ka kam.
Ha kajuh ka por, ula maham ia u Bah Marcus Marten bad Bah W Makri ba kin dei ban sangeh noh ia ka jingpyndonkam bakla ia ka kyrteng jong ka NRAO&DA bad ban sangeh ia ka jingpynthohbria ia ka seng.
 hynne ka sngi Palei, kala leit ban ujor sha u Deputy Commissioner bad Superintendent of Police ka Ri-Bhoi District, pyrshah ia ki Nongialam barim ka seng halor ka jingkynnoh ba ki pyndonkam bakla ia ka kyrteng jong ka seng.){kind=link}