Shillong Nohprah 02: Ka KSU East Jaintia Hills District Unit, ha ka 1 tarik u Nohprah kala leit ai da ka dorkhas ha u Deputy Commissioner ka District ban leh da kaba tyngeh iaka jingshim kabu palat liam jong ki nongdie jingdie hapoh ka District.
Ka seng kala pynsngew ba ki don katto katne tylli ki dukan kiba shimkabu ia u paidbah ban die be-aiñ ia ki marbam mardih bad ka seng kala dawa na ka bor pyniaid District ba kadei ban jurip ia ki dukan kiba die be-aiñ.
Ka seng kala dawa ba dei ban shon da ka muhor ia ki mawthew kilo, ki dukan kidei ban don iaka Cash Memo, Trading License khnang ba yn lah ban tehlakam iaka jingdie be-ai ki dukan.
Ka seng kala ong ba ki dukan kidei ban don iaka Cash Memo, Trading License khnang ba yn lah ban tehlakam iaka jingdie be-aiñ bad ki dukan kidei ruh ban buh iaki jingthoh kiban batai shai ia ki dor trai jong ki marbam mardih.
Ki nongialam ka KSU kila dawa ruh ba dei ban buh iaka District Consumer Dispute Redressal Commission kat kum ka Consumer Protection Act 2019 bad ruh ban ai ki Consumer Awareness Program ia ki paidbah kiba leit ban siew ban thied.
Ka KSU kala pyntip ba na ka liang u Deputy Commissioner ula kular ia ka seng ban pynshitom da kaba tyngeh pyrshah ia kito ki dukan kiba die palat ia ka dor kaba la buh bad ula kular ruh ban bthah ia baroh ki dukan rashon kiba hap hapoh u pud u sam jong ka EJH ba kidei ban buh ia ki jingthoh ne Display Board halor ka dor jongki marbam mardih.
