Nongstoiñ, Lber 27: Ka seng Hynñiewtrep Achik Youth Front hapoh ka jingïalam jong u bah Banraplang Kharpor President HAYF, hynne ka sngi Nyngkong, ka la leit ïakynduh ïa u Deputy Commissioner ka West Khasi Hills District, ban ujor pyrshah ïa ki trok kiba kit palat pud lyngba ka surok Riangdo sha Athiabari man ka sngi.
Ka seng ka la ong, namar ka jingsdang wan jong ka lyiur bad ba ka surok kadei kaba dang don hapdeng ka jingpyntrei, kumta lada ïaid ki kali heh khamtam kiba kit palat pud, kane kan nang pynsniew bad pynngam ia ka ka surok bad kan ktah shibun ïa ka ïaid ka ïeng u paidbah kiba ïaid lyngba katei ka surok khamtam eh ïa ki kali kit nongpang bad ki khynnah skul.
Ka seng ka la ai shisyndon da ka jingthoh bad na ka liang u Deputy Commissioner ruh u ka kular hakhmat ka seng ban sa khmih bad shimkhia halor kane ka kam.
