Shillong, Nailur 10 : U Myntri Rangbah ka Jylla Conrad K Sangma ha ka sngi Balang u la pyntip hapoh ka Ïing Dorbar ba ka sorkar jylla ka la pynkha ïa ka rukom treikam kaba khlaiñ bha ban pynbeit ïa ki jingeh na ka kam bording kaba la leh online, kaba lah ban ïoh lyngba u number ai jingïarap ba kyrpang, 1971.
Haba jubab halor ki jingsngewkhia ia ka jingbym don ka rukom pynbeit ia ki jingeh kaba thikna, u Conrad ula ong ba ka rukom treikam ka dei kaba leh online bad lah ban ioh lyngba ka phone mobile sha u 1971, naduh ka por 8 baje mynstep haduh 8 baje mynmiet.
Ia ki jingujor lah ban mudui ha ka ktien kat kum ki thain ne ktien shnong.
U Joint Secretary in-charge u dei u nodal officer bad baroh ki jingujor la khmih da ka Ophis u Myntri Rangbah (Chief Minister Office).
“Ka rukom treikam ka long kaba pynshong nongrim ha ki jingtip ba ioh lum bad la pyniasoh bad baroh ki tnad, ban pynthikna ia ka jingpynbeit kloi ia ki jingujor” ula ong.
U Conrad u pyntip ba kane ka rukom treikam, kala ioh pdiang pdiang da ki hajar ki phone cal, bad palat 1000 ki phone call ki dei tang jong ka tnad bording.
Ula kam ba haduh 90% na ki jingujor ba iadei bad ka kam bording la dep ban pynbeit, ha kaba bun na ki,ki dei halor ka jinglip bording bad ka jingsniew ki transformer.
