Dhaka, Rymphang 17 : U Chairman barim ka UPSC David Syiemlieh ula iai ban ba u Nongiakhun Laitluid ka Jaidbynriew Khasi, U Tirot Sing Syiem u khlem iap satia hapoh ka along ha Dhaka hynrei ula iap kum u briew ba shah set ha ki bor synshar ka Ri namar ki daw sain hima sima (State Prisoner).
U Bah David uba dei u nongwad bniah shaphang ka Histori halor ka jingim jong u Tirot Sing Syiem, ula ong ba ka Sorkar Bilat kala wai ia ka Iing ban pynsah ia u (Tirot Sing) bad ban set byndi ia u ha kane ka Iing.
Kat kum ka jingong jong u, u im ia ka jingim kaba suk bha na ba ka Sorkar Bilat kala ithuh ia u kum u briew ba shah set ha ka Ri namar ki daw sain hima sima (state prisoner).
Haba ai jingkren ha ka jingialang plie ia u motdur u Tirot Sing ha Indira Gandhi Cultural Centre, Dhaka ula ong ka jingwad bniah ia ki sngi ba khatduh jong une u Nongiakhun laitluid kala sdang naduh u bnai Kyllalyngkot 1986.
Ula ong ba ha ka shithi sha u Editor ba 14 tarik Jymmang 1835 ha ka Friends of India, ka ong ba ka National Library Kolkata ka pyntip ba u Tirot Sing ula ioh ia ka jingim kaba shongsuk bha kum u briew ba shah set byndi ha ki bor ka Sorkar Bilat.
U Bad David ula ong “Kumba nga la kren shai ba u Tirot Sing Syiem um shym la iap ha phatok. Ula iap da ka jingioh ia ka Bungalow bad ka jingi kaba suk bha kum u briew ba shah set byndi ha ka ri Bilat”.
 bad ban set byndi ia u ha kane ka Iing.){kind=link}