Guwahati, Rymphang 17: Ka Wildlife Crime Control Bureau (WCCB), SSB bad ka Tamulpur Range ha Assam, Tamulpur District ha ka sngi Thohdieng, kila pynlong ia ka jingkhynra bad iohkem ia uwei u nongsiat mrad.
Une u nongsiat mrad uba la shah kem la tip kyrteng kum u Rinku Kakati, 33 snem ka rta uba shong basah ha Pub-Kachukata.
Kane ka kynhun kala ioh kurup ia ka bniat mrad kaba don 3.731 kg na ka met ka jongu.
Katkum ki khubor kiba la iohlum la iathuh ba ia katei ka jingkhynra la pynlong ha kawei ka jaka kaba don ha ka shnong Pub-Kachukata, Tamulpur.
“Ngi la ioh ia ki jingtip kiba biang ia ka jingdon u nongsiat mrad ha ka shnong
Tamulpur. Ngi la pynlong ia ka jingkhynra lang bad la iohkem ia u nongsiat mrad bad kurup ia ka bniat mrad kaba 3.731 Kg na u” la pynpaw u heh ka tnad Forest.
Ula pyntip ruh ba la dep ban rejistar case ia kane ka jingjia pyrshah ia u nongsiat mrad hapoh jong ka Wildlife Protection Act.
