Shillong, Naiwieng 10: Ka jingialehkai bha ha baroh ki liang ka la ialam ia ka Meghalaya ban jop da 93 ron pyrshah ia ka Sikkim ha ka U-23 men’s State A Trophy 2025-26 plate group kaba la long ha Ropar, Punjab.
Ka Sikkim ka la jop ia ka Toss bad kala ailad iaka Meghalaya ban tied nyngkong ha kaba ka la kamai 252 kyllem lut ki wicket ha ki 49.4 over bad ka Sikkim ka la lah ban jubab tang da kaba kamai 159/10 ha ki 38.1 over.
Ki lai ngut ki nongtied ba nyngkong jong ka Meghalaya ki la ioh kamai tang 40 runs.
U nongkamak bun run udei u Dipankar Baruah, u ba la kamai 47 ruh na ki 35 tylli ki bol daka ba tied hynriew tylli ki saw bad ar tylli ki six
U Sachin Kumar u la lah ban kamai 43 ron na ka 60 ball (8x4s) bad u Josiah Momin 41 ron na ka 63 ball (6x4s) ha ryngkat, u Dipankar bad u Sachin ki la kamai 86 na ka bynta ka wiket kaba nyngkong.
U Manish Sharma u la kamai 38 run na ki 32 tylli ki bol (4x4s, 1×6) katba u Siddarth jong ka Sikkim u la khur 5 wicket bad ai 32 run ha ki 5.4 ober.
Manish u la khur 3 wicket bad ai 28 ha ki 10 over.
Kiwei pat kiba lah ban khur ïa ka wiket na ka bynta ka Meghalaya ki long u Denikcheng Marak (2/16 na ki 5 over), u Shavian Blah (2/25 na ka 4.1) bad u Sachin (2/28 na ka 8 over).
Hadien ka jingjop, Meghalaya kan ïakhun pyrshah ïa ka Manipur ha ka jingïakhun kaba ar kaban long ha ka 11 tarik Naiwieng ha Mohali. Ka Manipur ruh ka la jop ïa ka jingïalehkai ba nyngkong pyrshah ïa ka Arunachal Pradesh da 7 wiket, ha ka sngi Saitjaiñ.
