spot_img

U-23 Men’s State A Trophy | Shim u Abhishek 5 wicket, kamai u Kevin 50 run ia ka Meghalaya pyrshah ia ka Railway

Date:

Share post:

Shillong, Nohprah 17: U Abhishek Kumar ula ioh khur 5 wiket pyrshah ia ka Railways katba u kapten ka Meghalaya u Kevin Christopher ula ioh ia ka Half Century ne kamai palat ia ka 50 run ha ka jingiakhun ia ka BCCI U-23 Men’s State A Trophy kaba la long hynne ka Sngi Baar ha Nagpur.

Watla ki nongialehkai ka Meghalaya kila ialehkai bha hynrei kila mad iaka jingrem da kaba duna ban kamai ia ka 95 run ban khur ia ka jingjop, hynrei ka long pat kaba ai mynsiem ia ki nongialehkai halor ka jinglah ka jongki ban ialehkai ha katei ka Tournament.

Ka Meghalaya kala jied ban kawang bol nyngkong, kumta haba ka Railways kala leit ban tied kala hap tang shi wiket bad kamai haduh 194 run bad kane kala pynskhem ia ki ban ialehkai bha bad ban kamai bun shuh shuh.

U Abhishek ula sdang ban kawang bol bha bad pynhap ia ki nongtied jong ka Railways bad ula poi ruh ha u pud ban ioh ia ka hat-trick hynrei ym shim la ioh pat.

Ka Railways kala kamai 301 run bad hap 9 wiket ha ka 50 over, nalor ka jingshim wiket u Abhishek, wat u Gulgul Sangma bad u PM Santhosh ruh kila ioh mar 2 wiket.

Haba ka Meghalaya kala leit ban tied, u Sachin Kumar ula kamai 37 run, u Thunun Marak ula kamai 24 run, u Kevin ula kamai 52run bad u Josiah Momin ula kamai 36 run hynrei ka Meghalaya kala kamai tang 206 run ha ki 50 over bad hap 9 wiket.

Ka Meghalaya kala mad ia ka jingrem ha ka jingiakhun nyngkong bad ka Maharashtra bad mynta kan pynkhreh ban iakhun pyrshah ia ka Baroda ha ka sngi Palei.

Share post:

spot_img
spot_img

Popular

More like this
Related

Bthah ka Sorkar ia ki skul ban register noh hapoh ka ain RTE ne shah khang khyrdep

Shillong Naitung 18: U Director ka School Education &...

Dang bishar ka Sorkar ban pynkhlain ia ka MRSSA ne wanrah da ka ain thymmai

Shillong, Naitung 18 : U Symbud Myntri Rangbah ka...

Rai ka Sorkar ban tynruh ia ka Assam ba kan pynphai noh ia ka Block-I bad II sha Meghalaya

Shillong, Naitung 18 : U Symbud Myntri Rangbah ba...

Dawa ki Longkmie Congress ia ka SMB ban kem noh ia ki ksew surok ba jur ka jingshah dait ki briew

Shillong, Naitung 18: Ka Meghalaya Pradesh Mahila Congress (MPMC)...