Shillong, Naiwieng 17: Ka jingiakhun Cricket hapdeng ka jylla Meghalaya pyrshah iaka Mizoram ka la poi sha ka jinghap pynsangeh no, namar ka jingpynthud u slap, hynne ka sngi Thohdieng ha MCA Ground, Polo, Shillong.
Kane ka jingiakhun jong ka Cooch Behar Trophy, kaba dei ka Tournament na ka bynta ki U-19 Men, kala long ha nongbah Shillong hynrei ha katei ka jingiakhun kala shah pynthud noh ha ka bor mariang.
Watla u slap ym shim la jur hynrei katei ka madan kam shym la rakhiang bad kane kala pynlong ia ki Umpire ban shim ia ka rai haka por 2 baje mysnngi ba la pynsangeh noh ia kane ka jingiakhun hapdeng ka Meghalaya pyrshah ia ka Mizoram.
Namar ka jingdon sa 3 sngi, kumta la khmih lynti ba lada ailad ka bneng yn lah ban pynialehkai ia kane ka jingiakhun bad la khmih lynti ba ha ka sngi Saitjain kan don ka jingjaw slap hynrei lada ka madan ka long kaba bit kaba biang ban ialehkai bad katei ka jingialehkai kan ym sdang shwa ka por 8:30 mynstep.
