Nongpoh, Nailur 16: Ka kynhun ialehkai kriket ka Shillong Cricket Association (SCA) ki la pynliem noh ia ka kynhun jong ka Ri Bhoi District Cricket Association (RBDCA) da 2 run ha ka jingiakhun ia ka Inter District Cricket Tournament U-19 Girls kaba dang shu kut shen ha ka madan ialehkai jong ka RBDCA ha Umbuda, Ri Bhoi District.
Ka jingiakhun ia ka phainal hapdeng kine ki ar kynhun ka la long shisha kaba itynnad bad kaba ia khaid bormet bha ha kaba ki thei ialehkai kriket na baroh ar kynhun ki la iakhun dohiap ban ioh ia ka namjop, ha kaba ka kynhun jong ka RBDCA ka la jop ia ka toss bad kam trai ban kawang ball shwa, bad ha ka jingtied run ka kynhun jong ka SCA kane ka kynhun ka la ioh ban kamai haduh 157 run bad hap noh 7 wicket na ki 35 tylli ki over.
Haba wan pat ban beh ia katei ka thong ba la buh da ka SCA, ka kynhun jong ka RBDCA ka la iakhun dohiap ban kot sha ka thong ba la buh hynrei kim shem la kot satia namar ka jingkut noh ki 35 over bad kane ka kynhun ka la ioh ban kamai 155 run bad hap 8 wicket kaba la pynlong pat ia ka SCA ban khur ia ka nam jingjop jong kane ka lympung ialehkai cricket da 2 run.
La wan ban sakhi ia kane ka phainal bad ban pyrda noh ia kane ka lympung jong ka Meghalaya Cricket Association ba la pynlong da ka Ri Bhoi District Cricket Association da u President ka MCA u Nababrata Bhattacharjee, u President ka RBDCA Bah Rayonald Kharkamni u ba dei ruh u Vice President ka MCA, Bah Michael Kharhunai Secretary ka RBDCA, Ma Arwotki Sumer, Apex Council member MCA, Bah Macdonald Kharsawian President SCA n Apex council member MCA, Bah Dister Marbaniang President EKCA n Chairman tournament committee bad u Bah Disarius Kharmalki Secretary SCA.
Haba sam pat ia ka khusnam sha ki thei ialehkai cricket kiba kynsai, ka Ankita Sharma na ka kynhun RBDCA ka la lah ban kamai haduh 83 runs bad khur 2 wickets bad ka la ïoh syndon ban rah ïa ka nam Best Player of the Tournament bad ka samla Neelam Roy jong ka SCA ka la kamai 40 runs bad khur 2 wickets bad ka la ïoh ban rah ïa ka nam Best Player of the Match.
 ki la pynliem noh ia ka kynhun jong ka Ri Bhoi District Cricket Association (RBDCA) da 2 run ha ka jingiakhun ia ka Inter District Cricket Tournament U-19 Girls kaba dang shu kut shen ha ka madan ialehkai jong ka RBDCA ha Umbuda, Ri Bhoi District.){kind=link}