Shillong, Nailur 20: Ka Tura District Cricket Association kala pynliem iaka South Garo Hills DCA da 16 runs haka jingialehkai ba shah pynthut ha u slap jong ka Meghalaya Cricket Association’s U-19 Boys Inter District Cricket Tournament.
Kawei ka jingiakhun la pynsangeh noh wat hapdeng ka jingsdang ialehkai bha ka Ri-Bhoi DCA pyrshah iaka East Jaintia Hills DCA.
Ka Tura kala jop iaka jingkynting pisa haka Zone 2 ha Salpara, Mendipathar bad kala shah pynkut noh daka ba kamai 107/9 haka 35.1 overs.
U Salchang Sangma bad u Silgar M Sangma naka South Garo Hills, kila khur mar 3/22 katba u Ayush M Sangma 2/11 bad ki nongtied ba na khmat haduh 5 ngut ki khlem ioh palat 10 run ruh bad naka liang u Shahin ula kamai 21 run, u Darnell Sangma 11 run bad u Agatchu Chetai K Marak ula ioh 15 run.
Naka liang ki nongkawang Bol ka Tura u Denikcheng Marak ula khur 2 wicket bad ula ai 18 run, bad u Fernando Barbaryo M Sangma ula khur 2 wicket daka ba ai 12 run bad namar ka jingslap la pynkut iaka jingiakhun daka DLS method bad ka Tura kala jop da 16 runs.
Haka jingiakhun Zone 1’s Group A kaba la long ha Umbuda, Nongpoh, ka Ri-Bhoi kala jop iaka Toss bad kala sdang tied bha daka ba kamai haduh 184/8 haka 28 overs hynrei ia kane ka jinglehkai ruh la shah pynthut noh ha u slap.
Naka liang u Banialam Mylliemngap ula tied 34 (not out) na 18 Bol daka ba tied (4x4s, 2x6s) bad u Dev Rai ula khur 3 wicket daka ba ai 29 run bad u Jeffre Chyrmang 3 wicket bad ai 34 run.
Haka Zone 1’s Group B, ka East Khasi Hills Cricket Association kan kynduh pyrshah iaka West Jaintia Hills DCA bad haka Zone 2 ka North Garo Hills DCA pyrshah iaka Tura.
