U-15 Inter District Cricket: Jop ka EGH ia ka NGH, ka Ri-Bhoi ia ka SCA-B

Date:

Share post:

Shillong, Lber 18 : Ka kynhun ialehkai ka East Garo Hills (EGH) District Cricket Association bad ka Ri-bhoi District Cricket Association, kila jop ia ki jingiakhun ha ka Meghalaya Cricket Association (MCA) U-15 Inter District Cricket Tournament 2023 ba long hynne ka sngi saitjain.

Ka East Garo Hills kala jop da 6 wicket ha ka Zone 2 ha Williamnagar katba ka Ri-Bhoi kala jop kput da 158 runs pyrshah ia ka Shillong Cricket Association-B ha ka Zone 1 kaba long ha Umbuda.

Ha ka jingiakhun jong ka inning ba nyngkong, ka NGH kala lah tied tang 40 runs bad hap lut ki wicket hynrei kane ka kynhun ialehkai kala lah ban tehlakam ia ka EGH ba kan kamai tang 92 run ha kaba u Chanang Sangma ula ioh kamai 50 run na 53 bol. U Chingjring K Marak ula ioh 3 wicket bad ai 14 runs bad u Tengrik Sangma ula shim 3 wicket bad ai 18 run.

Ka NGH kala ialehkai bha ha ka inning baa r hynrei kila hap wicket lut da 108 runs. Ka EGH kala beh thong tang 57 run ban ioh ia ka jingjop bad kala lah ban pyndep kloi ia kane da 6 wicket ha kti. U Chanang ula tied bun eh da 19 run khlem hap wicket.

Ha kawei pat ka jingiakhun hynnin ka sngi, ka Ri-Bhoi kala tied 177 run bad ka SCA-B kala tied 104 run ha ka inning ba nyngkong. Haba wan sha ka inning ba ar hynne ka sngi saitjain, ka Ri-BHoi kala kamai 138 run bad hap lut ki wicket bad kaba bun na kane ka run ka dei kaba kamai da u Gaurav Narleng uba ioh 62 run n aka 56 bol. Katba u Joseph Mathew ula shim 5 wicket bad ai kamai 28 runs.

Ka SCA-B kala hap beh ia ka thong ba 212 run ban jop hynrei kila lah ban kamai tang 53 run bad ki rang kawang bol ba shim bun wicket ki dei u Sanjau Sawkuta-4/21, u Suraj Kapri-3/14 bad u Benedict Jones Makdoh-2/9.

Kawei pat ka jingiakhun kan long la sngi nyngkong. Ha ka Zone 1, ka East Jaintia Hills District Cricket Association kan iakhun pyrshah ia ka West Jaintia Hills District Cricket Association bad ha ka Zone 2 ka jingiakhun kan long hapdeng ka West Khasi Hills District Cricket Association pyrshah ia ka South Garo Hills District Cricket Association.

Share post:

spot_img

Popular

More like this
Related

IED explosion rocks Jiribam, no casualties reported

Imphal, Mar 29: Ahead of Lok Sabha elections, a...

Villager killed in elephant attack near Garobadha

Tura, March 29: A villager has lost his life...

Thalain ka SPC ia u President ka VPP ba kynthoh ia ka burom ka ijot ki Nongthoh khubor ka Jylla

Shillong, Lber 28 : Ka Shillong Press Club (SPC)...

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...