Shillong, Rymphang 23 : U Myntri Rangbah ka Jylla Conrad K Sangma ha ka sngi Nyngkong, ula pyntip ha Iingdorbar ba ki don hynriew tylli ki lynti iaid hati (elephant corridor) bala dep pynbna paidbah ha Meghalaya bad sa lai tylli ki dang don ha ka jingtyrwa, hynrei ula mahampat ba kam don sati aka lad jigiada ba 100 percent, ban khang ia ki kynhun hati ba kin iaid na ki lynti kiba ju pyndonkam da ki snem bad spah snem.
Haba jubab ia ka jingkylli u MLA na Kharkuta Rupert Mimin, uba la pynsngew ia ka jingjulor ki jingthung jingtep na ka jingkrih jaka ki hati na Assam, u Conrad ula ong ba ka Jylla ka phaikhmat sha ki lad ki lynti ban pynduna ia ki jingma.
“Ngi donkam ban pynbiang tarajur…..la pynlong ia ki jingialang pynsngewthuh paidbah man ka por, la kyrshan ruh ia ki Voluntary Protection Squad” ula ong haba bynrap ba ki jaka thung jingthung kiba don ha ka lynti iaid ki hati la buh kum ki jaka bam khnang ban pynduna ia ki jingiatakhuh bad ki briew.
Halor ka jingkyrpad u Momin ia ka Wildlife Office ha Wageasi-Dainadubi,u CM ula ong ba ka jingbuh ia ki Beat bad Range Office ki dang don hapdeng ka jingkhmih bniah hapoh ka tnad Planning bad Finance.
U MLA ka UDP Bah O Suin ula pyntop ba ka kynhun ki hati kila pynjulor ia ki lyngkha kba, ki dieng kwai bad ki iing ha ka thain Mawsynram. U Conrad ula jubab ba ka Tnad kan khmih bniah ha ka ban ai jingkyrshan ia ki project bad pyntip ba kala don ka jingtyrwa ban buh ia ka beat office ha Ranikor.
“Ngan sa shim ia ki jingtip ba bniah na u MLA bad ngin sa leh kat kaba lah ban iada ia ki briew bad ki jingthung jingtep nalor ki hati” ula ong.
U CM ula pyntip ba ki don haduh saw tylli ki wildlife sanctuary-Nongkhyllem, Siju, Baghmara, Narpuh-bad artylli ki National Park-Balpakram bad Nokrek, haba bynrap ba ki dang don sa artylli ki sanctuary ki ba dang khmih lynti bad kine ki don ha Baghmara bad Riatkhwan.
Halor ka jingiada ia ki catchment area bala pynsngew da u MLA ka UDP Bah Renikton Lyngdoh Tongkhar, u Myntri Rangbah ula ong ba ka Mawkyrwat bad kiwei ki jaka ha ki District ki dang don hapdeng ka jingbisar, bad kiba la ai jingiada ki dei ha Shillong bad Tura.
 bala dep pynbna paidbah ha Meghalaya bad sa lai tylli ki dang don ha ka jingtyrwa, hynrei ula mahampat ba kam don sati aka lad jigiada ba 100 percent, ban khang ia ki kynhun hati ba kin iaid na ki lynti kiba ju pyndonkam da ki snem bad spah snem.){kind=link}