Shillong, K’lyngkot 16 : Ka Sorkar Jylla kala rai ban pyntreikam ia ka kyndon ban pynrung skul lane pynrung kyrteng ia ki kyrtong shimet (private candidate) ba kin iakhun ia ka eksam Secondary School Leaving Certificate (SSLC) jong ka Meghalaya Board of School Education (MBoSE).
Hadien ba dep pyniaid ia ka jingialang ka kynhun Myntri, u Myntri Rangbah Conrad K Sangma ula ong “Ngi la rai ban pyn treikam ia ka kyndon ban pynrung skul bad pynrung kyrteng ia ki kyrtong shimet naka bynta ka eksam SSLC hapoh ka MBoSE”.
Kane ka sienjam ka thmu ban ai ka lad ia ki khynnah skul ki bym lah ban pass ia ka eksam matric lane pep skul noh shiteng por hadien ka kyrdan Upper Primary ba kin ioh leh ia ka eksam SSLC.
“Ki don bun ki khynnah skul ha ki snem ba la leit noh ki bym shym la lah ban pass ia ka eksam matric bad ki don ruh bun ngut kiba kut da kaba sangeh leit skul hadien ka jingpule Upper Primary ha ka por ba ki kiew sha ka kyrdan Secondary namar ki daw bapher bapher” ong u Conrad.
U Conrad ula ban jur ba kane ka rai ban ai ka lad ia ki khynnah skul kiba kwah ban iakhun ia ka eksam SSLC ba ki lah ban leh ia kata, wat hapdeng ka jingpheil ha ki sien ialeh bala dep lane sangeh noh ka jingleit skul shiteng por.
“Ngi kwah ban ai ka lad sha ki bad nga thikna ba kane kan pynshlur ia bun ki khynnah, ia kiba namar ki daw bym lah ban tip, kim shym la lah ban pass ia ka eksam matric. Bun ki phaikhmat haba don kum kane ka lad ka lynti” ula ong.
 ba kin iakhun ia ka eksam Secondary School Leaving Certificate (SSLC) jong ka Meghalaya Board of School Education (MBoSE).){kind=link}