Guwahati, Nailar 22: Ka sorkar Assam ha ka sngi Palei, kala tyrwa ban pynlong noh iaka ktien Manipuri kum ka Associate Official Language ha ki 3 tylli ki district jongka Barak Valley ryngkat bad ka Hojai kaba don hapoh ka jylla.
U Myntri uba khmih ia ka tnad Parliamentary Affairs u Pijush Hazarika ula wanrah ia ka Assam Official Language (Amendment) Bill, 2024 na ka bynta jong u Myntri Rangbah ka jylla u Himanta Biswa Sarma, uba peit ruh iaka tnad Home bad Political Department.
Ha ka Statement jongka Objects and Reasons, u Sarma ula ong, ba ki don bun bah ki briew kiba sah ha ka thain Barak Valley bad ha kiwei pat ki bynta jong ka jylla kiba kren da ka ktien Manipuri bad kala don ka jingbteng jong ka jingdawa ban ai jingithuh noh ia katei ka ktien.
Ia katei ka rai la shim da ka jingthmu ban pyneh pynsah bad ban iada ia ka kolshor bad ia ka ktien ka thylliej jong ki paid Manipuri kiba don haka jylla Assam.
Ka Sorkar Assam ha ka sngi palei kala wanrah ia ka jingtyrwa ban pynlong noh ia ka ktien Manipuri kum ka Associate Official Language ha ki 3 tylli ki District jongka Barak Valley ryngkat bad ka thaiñ Hojai kaba don ha ka jylla.
Ka Kynhun Myntri jong ka jylla Assam dang mynta u snem ha ka 23 tarik u Rymphang kala shim iaka rai kaba kongsan kaba kynthup ia ka jingai jingmynjur ban pynlong ia ka ktien Manipuri kum ka Associate Official Language ha ki 4 tylli ki district kiba kynthup ia ka Cachar, Karimganj, Hailakandi bad Hojai.
