Shillong, Nailar 22: U Myntri Rangbah ka Assam, Himanta Biswa Sarma, u la pyntip ba shen ka Sorkar kan sa wanrah ia ka Bill haka Dorbar Synrai ba pynlong kongsan ia ka jingpynrung kyrteng ia ka shongkha shongman bad ka jingiaphet lok jong ki briew kiba dei ki Muslim.
Haba kren shaki lad pathai khubor, u Himanta ula ong “Ka Sorkar kan wanrah ïa ka Assam Compulsory Registration of Muslim Marriage and Divorce Bill, 2024 ha ka Dorbar ban wan, ka ban sdang naduh ka 22 tarik u Nailar”.
Dang shen u Himanta u la pynbna baka Sorkar Jylla kan wanrah ia ka ain kaba thymmai kaba bthah ban set phatok shi jingim ia kito kiba leh iaka ‘Love Jihad’.
U Himanta u la ong ba lada lap iaki leh ia ka ‘Love Jihad’ bad don jingiadei jingieid daka ba thok bad buhrieh ia ka niam ne ka jinglong jong u briew shimet, kin iakynduh ia ki jingpynshitom kiba jur bha katkum ka ain.
Ka thong jong kane ka ain ka long ban ban leh eiei bad pynshitom ia ki briew kiba buhrieh ia ka niam ha ka por ba iashongkha, kaba thmu ia kito kiba shim kabu na ka jingiapher niam ban leh ia ki kam sopsop ba ha lyndet.
