Shillong, Nailar 22 : U President ka Meghalaya Pradesh Congress Committee (MPCC) Vincent H Pala ha ka sngi Palei, ula kynnoh ba u National General Secretary ka National People’s Party (NPP) bad Symbud Myntri Rangbah ka Jylla Bah Sniawbhalang Dhar, u dei u “Nongaiktien” jong ka Rashtriya Swayamsevak Sangh (RSS) bad ka Bharatiya Janata Party (BJP).
U Bah Pala ula kren ia kane haba kynthoh tyngeh ia ka jingong u Bah Sniawbha ba ka Congress kan sa shah pynjah kyrteng shen ha Meghalaya hadien ka jingleit iasoh ki laingut ki MLA-Bah Gabriel Wahlang (Nongstoin), Dr Celestine Lyngdoh (Umsning) bad Bah Charles Marngar (Mawhati) sha ka NPP.
Une u MP barim ka Shillong ula kam ruh ba u dang heh spah ma u ban ia ka NPP ban leit iasoh bad ka.
“U Bah Sniawbhalang Dhar u dei u Nongaiktien ka RSS. Ka RSS lane ka BJP kat shaba ki don, ka sur jong ki ka dei ka Congress Mukt. Kumta u Bah Sniawbhalang Dhar u hap ban pynsngew ia kane lem kumta kin tip lut ia baroh ki kam be-ain naduh u droks, u dewiong bad kiwei kiwei kiba la leh da u Bah Sniawbhalang Dhar bad ki paralok” ong u Bah Pala haba iakren bad ki nongthoh khubor.
Haba kynnoh ba u Bah Sniawbhalang u don hapoh ka jingpeit pyrman ka CBI, une u Heh Congress ula ong “Nga la dei u MP, Nga tip. Ki ju wan sha nga ban pan jingtip. Baroh ki files kila don ha miej jong ki. Ka por kan sa poi bad ngin sa iohi uei u Bah Sniawbhalang. Ka histori kan sa iathuh uei u Pala bad uei u Sniawbhalag?”.
Haba kren halor ka jingshah kem u Arvind Kejriwal bad kiwei ki Nongialam sain pyrthei kynthup u Myntri Rangbah barim, u Bah Pala ulamong “Ki kam ba kila leh kin sa pynkut ia ki ha ka jingeh ha kawei ka sngi”.
“Mynta ki hap ban kren ia ka sur jong ka BJP lem kumta kin shah nion ha ka BJP kumta ka sur u Bah Sniawbhalang ka long shispah na ka shispah ka sur jong ka BJP, ka sur jong ka RSS. Ki paidbah ka Jylla Meghalaya ki hap ban tip u dei uei” ula kynnoh.
Halor ka jingong u Bah Sniawbha ba ka NPP kan pdiang ia u Pala lada u wan iasoh ha kano kano ka por, une u President ka Congress ula jubab da kaba ong “Nga tharai u Pala u kham riewspah ban ia ka NPP”.
 Vincent H Pala ha ka sngi Palei, ula kynnoh ba u National General Secretary ka National People’s Party (NPP) bad Symbud Myntri Rangbah ka Jylla Bah Sniawbhalang Dhar, u dei u “Nongaiktien” jong ka Rashtriya Swayamsevak Sangh (RSS) bad ka Bharatiya Janata Party (BJP).){kind=link}