Shillong, Naiwieng 21 : Ka NITI Aayog kala pynthymmai ia ki kam pynroi jong ka ha Meghalaya bad mynta kan pynleit jingmut ha ka jingpynroi ia ka kam rep kam riang, ka jingkyntiew ha ka jingpyndonkam ia ka kor digital bad ban pynroi ia ka sap (skilling).
Ia kane la pynpaw da u Dkhot ka NITI Aayog Dr Arvind Virmani uba la pynkut ia ka jingwan ba arsngi ha Jylla da ka jingia kynduh bad jingiasyllok bad ki Heh Ophisar ka Sorkar, ki riewpawkhmat bad ki nongsengkam lajong.
Ka jingwan u Dr Virmani ka dei eh halor ka jingpynsted ia ka jingkiew shakhmat ka Jylla lyngba ka kam rep kaba neh, ka jingpynkhlain ia ka jingai song pisa bad ka jingpyndonkam ia ka pisa ha ka lynti kaba dei. La ban jur bha ruh halor ka jing kyntiew ia ka sap kat kum ki kam ba ki kamai jakpoh khamtam ki samla bad ki kynthei.
Ka jingpynkhlain ia ki lad pyniasoh da ki kor digital ha ki jaka nongkyndong ruh kala mih ha ka jingiakren kum ka mat ba hakhmat eh-haba khmih ia ka jingdonkam ban pynkupbor ia ki Farmer Producer Groups (FPG), Self Help Group (SHG) bad ki nongsengkam sengjam ha ki jaka nongkyndong.
Ka jingiasyllok kala shong bishar ruh halor ka jingiaid jong ka Early Childhood Development Mission, ka bynta kaba kongsan bha ha ka lynti iaid ka Jylla ban kyntiew ia ka sap treikam ha ki nongshongshnong.
Hadien kine ki jingialang, u Dr Virmani ula leit jngoh ruh ia ka Shillong Literary Festival ban ioh iakren bad ki briew ba shna jingshna da ka kti bad shong bishar ruh ia ka jingtreikam jong ka Eastern Ri-Bhoi Farmer Producer Company ban sngewthuh ia ki jingeh ba iakynduh da ki kynhun pynmih mar ha ki shnong ki thaw.
.){kind=link}