Shillong, Nailur 13: U Myntri kam jngohkai ka jylla Bah Paul Lyngdoh, u la iakynduh ia ka Simona-Mirela Miculescu, President ka UNESCO General Conference kaba 42 bad ka Ambassador ka Romania, ban iasaid na ka bynta ban ithuh ia ka Jingkieng Jri (Living Root Bridges) kum ka pateng pyrthei jong ka UNESCO World Heritage.
Ha kane ka jingiakynduh la don lang ruh u Ambassador ka India bad u Permanent Representative sha ka UNESCO.
U Bah Paul u la ban jur ïa ka jingdonkam ban ïoh ïa ka jingkyrshan ban nang pynïaid shakhmat ïa ki jingkieng jri, kiba don mynta ha ka thup ban ioh jingithuh na ka UNESCO. Ka jingiakren ka la mih ruh halor ki jingiatreilang ban buh thup ha ki kor digital bad kiwei kiwei.
Ka Miculescu ka la pynpaw ïa ka jingai khublei halor kane ka jingïalang ha ka X (Twitter mynshwa), da kaba ong, “Nga sngewkmen ban pdiang sngewbha ïa ka kynhun na India ba la ïalam da u Bah Paul Lyngdoh, Myntri ka Tnad Social Welfare, Tourism, Arts, Cultre and Textile jong ka #Jylla Meghalaay, kaba tip kum ka Ri ki Lyoh, kaba hap hapoh kawei na ki jaka ba riewspah tam ha ka jingdon ka spah mariang hapoh ka pyrthei. Ka jingiakynduh ka long kaba sngewtynnad”.
 kum ka pateng pyrthei jong ka UNESCO World Heritage.){kind=link}