Shillong, Nailur 05: Saw ngut ki briew kila mynsaw haba ka bos miet ba mih ka Tura sha Guwahati, kala shah rat ha kawei ka trok kaba la pynher sted bha ha ka thain Rongram, kumba 12 km na Tura.
Kane ka jingjia kala jia ha ka miet sngi Balang bad na kine kiba mynsaw, 2 ngut ki dei ki kynthei.
U Superintendent of Police ka West Garo Hills JFK Marak ula pyntip ba kane ka aksiden kala jia namar ka jingwan iaid na ka liang bym dei jong ka trok kaba la pynher sted bha. Kane ka trok ka dei kaba kit ia ki um dih ba thmu ban pynpoi sha Dalu kaba don ha khappud.
Ula pyntip ruh ba ki Pulit kila kem ia u nongniah jong kane ka trok bad shem ba ula buaid.
Kane ka bos miet AS01-GC-5044 ka dei kaba mih na Kankachar ha Assam bad kala rung sha Tura kumba ju iaid manla ka sngi ban kit ia ki briew. La pyntip ba ki don haduh 31 ngut ki briew kiba shong ha kane k abos.
U iathuh ba dei ha ka por ba kane ka bod ka dang kiew shaphang ka thain Asanang, ka trok ML09-A-8005 bala niah da u Bedinath Hajong, kala wan mar pyrshah bad tynrah beit beit ia kane k abos.
Ki kynthei kba mynsaw ki kynthup ia ka Puljan Begum bad ka Puljan Devi. Ia kine la kit noh sha Tura Civil Hospital ban ai jingsumar.
