Shillong, Nailur 05 : Ka ICAR-CTCRI, ha kane ka taiew, kala hiar ai jinghikai ia ka rukom rep ia ki jingthung poh khyndew da ki symbai ba kham bha kum u phankaro, ka shriew bad phandieng (tuber crops) ha West Khasi Hills bad West Jaintia Hills District.
Ka ICAR-CTCRI ryngkat ki KVK jong ki ar District kila ai jinghikai ruh halor ka jingpynkhreh jingbam na ka bynta kine ki jing thung ha ka por ba rep.
Ia ka jinghikai ha West Khasi Hills la pynlong ha shnong Jaidoh myn ha ka sngi Ba-ar katba ha West Jaintia Hills la pynlong ha ka shnong Sohphoh, West Jaintia Hills ha ka sngi Balang.
Ia kine ki prokram la plie da u Bah Shanbha Rani, Joint Director ka Directorate of Horticulture, Shillong kum u kongsan.
Haba ai jingkren, u Bah Rani ula ban jur ia ka jingdonkam jong ki prokram ai jinghikai halor ki jingthung poh khyndew (tuber crops) ban kyntiew ia ka ioh ka kot jong ki nongrep riewlum ha ka Jylla Meghalya. Ula air uh ka jingiaroh ia ka jingpyrshang jong ka ICAR-CTCRI ban sdang ïa ki shnong pynmih symbai (Seed village).
U Dr. Manas Ranjan Sahoo, Head, Crop Improvement; U Dr. R. Muthuraj, Principal Scientist bad u Dr. D. Jaganathan, Senior Scientist, ICAR-CTCRI bad u Dr. H.D. Talang, Scientist, ICAR Research Complex for NEH Region, Umiam, ki la pyniaid bad ai ia ka jinghikai halor ki phang bapher bapher shaphang ki jingthung poh khyndew (tuber crops).
Ki symbai jong ki jait jingthung poh khyndew (tuber crops) ba la pynbha ki kynthup ia Sree Jaya, Sree Pavithra bad Sree Reksha jong u phandieng & Sree Arun, Sree Kanaka, Bhu Sona bad Bhu Krishna jong u phankaro. Ia kine ki symbai la sam ruh sha ki nongrep ba kin sdang kum ki shnong pynmih symbai (Seed village). La sam ruh ia ki tiar ai jinghikai bad ki tiar rep.
Haduh 155 ngut ki briew kila wan ban iashim bynta ha kine ki prokram kiba kynthup ia ki nongrep, ki nongseng kam seng jam bad ki Ophisar Sorkar.
