Shillong, Rymphang 16: Ka Meghalaya State Kickboxing Association (MSKA) ka la wanrah iaka nam bad burom ia ka Jylla da kaba khur haduh 23 tylli ki takma, ba kynthup ia 7 tylli ki takma ksiar, 9 tylli ki takma rupa, bad 7 tylli ki takma rnong, ha ka 5th India Open International Kickboxing Tournament kaba la long ha nongbah Delhi naduh ka 4 haduh 8 tarik Rymphang 2026.
Iaki nongialehkai Kickboxing la pdiang burom bad la ai khublei ha ka jingïalang kaba la long ha Hotel Assembly ha Shillong.
Haka thup Women’s Category, ka MSKA ka la khur 10 tylli ki takma, kynthup 4 tylli ki ksiar, 4 tylli ki rupa, bad 2 tylli ki rupa, katba haka thup Men’s Section ka la khur 13 tylli ki takma, kiba kynthup 3 tylli ki ksiar, 5 tylli ki rupa, bad 5 tylli ki rnong.
Ki 5 ngut ki nongialehkai International kickboxer ka MSKA ba kynthup Babit Kharsahnoh, Daniella I W Mylliemngap, Medari phylla Lyngdoh Niongbri, Ibadarishisha Mukihm bad Belldona Pakyntein ki la bat ia ka nam lahduh kaba khur 4 tylli ki takma ksiar bad 1 tylli ki takma rupa.
“Ngi dap da ka jingkmen ïa ka jinglah jong ki nongialehkai Kickboxing ban ialehkai bha haka International Tournament. Kane ka jingjop ka long ka sakhi ïa ka jingtrei shitom bad ka jingminot jong ki” la ong u Lorenzo Pearson Warjri, Honorary Working President jong MSKA bad Executive Member jong ka WAKO India Kickboxing Federation.
Da kane ka jingjop, ka jingïoh takma jong ka MSKA naduh u bnai Nailar 2017 ka long 99 tylli ki takma ksiar, 78 tylli ki takma rupa, bad 103 tylli ki takma rupa, baroh ki long 280 tylli ki takma, kynthup ïa ki 76 tylli ki takma 76 International.
Ka Association kala ioh ruh ban khur haduh 9 tylli ki takma ha ka All India Inter University Games (AIU Games) naduh u snem 2019.
Ki 7 ngut ki nongjop takma ksiar na ka MSKA ki la don lypa ha ka thup kyrdan ban mihkhmat ïa ka ri India ha ki lympung open kickboxing tournament bad World Cup Kickboxing Tournament.
 ka la wanrah iaka nam bad burom ia ka Jylla da kaba khur haduh 23 tylli ki takma, ba kynthup ia 7 tylli ki takma ksiar, 9 tylli ki takma rupa, bad 7 tylli ki takma rnong, ha ka 5th India Open International Kickboxing Tournament kaba la long ha nongbah Delhi naduh ka 4 haduh 8 tarik Rymphang 2026.){kind=link}